Кун Кенешлэн Президиумезлэн ёзчиосыз Удмуртилэн Росси Кун Думаысь депутатъёсыныз онлайн-кенешон ортчытӥзы
29.05.2020Туннэ видеконференция амалэн Удмуртилэн Россиысь Кун Думае быръем депутатъёсыныз кенешон ортчиз. Вераськонэ пыриськизы Кун Кенешлэн Президиумезлэн ёзчиосыз, Кун Думаысь «Единая Россия» фракцилэн кивалтӥсезлэн воштӥсез Андрей Исаев, Кун Думаысь депутатъёс Валерий Бузилов но Алексей Загребин, Удмурт Элькун Кивалтэтлэн Тӧроезлэн воштӥсез Анатолий Строков. Эскероно ужпумъёс пӧлын – федерал но элькун катрадлыкысь выльдӥськонъёс, коронавирусэз алон но соин ваем ыштонъёсты берыктон ужрадъёс.
Кызьы пусйиз Андрей Исаев, берло толэзь ӵоже Кун Дума коронавируслэсь вӧлмонзэ алонэн герӟаськем кӧня ке катӵектосъёс бордын ужаз. Катэн юнматэмын самолётъёсы азьвыл ик басьтэм билетъёсты кышкыт югдур кылдыку берыктыны эрикрад. Та катэн ик турфирмаослы вузам туръёссы понна, кышкыт югдур кылдыку, коньдонэз берыктэм интые ваучеръёс сётъяны луонлык тупатӥське. Воштонъёс пыртэмын таможняен, лэсьтӥськонэн герӟаськем катрадлыке.
Андрей Исаев пусйиз, катъёсты кутыку, «Единая Россия» фракцилэн уноез ӵектонъёсыз лыдэ басьтэмын шуыса. Кылсярысь, одӥг но ӝыны аресозь пиналэн пукем понна пособилэсь быдӟалазэ будэтон. Азьвыл та пособилэн быдӟалаез нырысетӥ пинал понна одӥг но ӝыны сюрс, кыкетӥез понна – куинь сюрс манет луэ вал. Али нырысетӥ пинал понна 6 752 манет тыриськоз. Пособилэн вылӥ быдӟалаез 13 504 манет луиз.
Фракцилэн мукет ӵектонэз – Росси Азьмуртэн 3-сен 16 аресозь пиналъёслы тупатэм 10 сюрс манет юрттэтэз пунэмъёс понна таланлэсь утён. Со уксё калык понна чакламын, соин ик кредиторъёс кие лэзёно ӧвӧл, адямиос дорозь ик вуттоно, валэктӥз депутат.
Андрей Исаев ивортӥз, Кун Дума адямиослы юрттӥськонэн герӟаськем ужрадъёс бордын ужзэ азьланьтоз на. Соос пӧлын – сӧсыръёслэн огазеяськонъёссылэн предприятиоссылы юрттӥськон, эмчиослы санаторийёсын шутэтскыны луонлыкъёс кылдытон, кышкыт югдуръёс дыръя вылӥ дышетсконниосы абитуриентъёсты кутон выль радлык чаклан но мукет ужпумъёс.
Депутат улосвылъёслы юрттон ужрадъёс сярысь но вераз. Кылсярысь, Удмуртия ватсаса 4,5 миллиард манет тыр дотациос басьтӥз ини. Федерал юрттэтэз будэтон бордын уж мыноз на.
Кун Кенешысь депутатъёс федерал каткылдытъясьёслы асьсэлэсь ӵектонъёссэс шараязы. Кылсярысь, Кун Кенешлэн тӧроезлэн Нырысетӥ воштӥсез, демографи но семья политикая ялан ужась ӧрилэн кивалтӥсез Надежда Михайлова федерал законэн юнматыны ӵектӥз пинал вайыны дасяськись нылкышноослы юрттэтэз.
Ас сӧзнэтаз оптимизация ортчытыса, Кун Кенеш Удмуртиысь вуоно анайёслы юрттэт ӵектӥз ини, но со кулэ вань нылкышноослы, кудъёсыз пинал возьмало. Андрей Исаев та ӵектонэз Кун Думае келяны дэмлаз.
Со сяна, кенешонын чузъяськизы кредитъёс висъян, промышленность но гурт удысъёсысь предприятиослы юрттэт сётонъя куронъёсты капчиятыны ӵектонъёс.
Вань шараям ужпумъёс бордын Кун Думаысь депутатъёс пыр-поч ужалозы.
Кызьы пусйиз Андрей Исаев, берло толэзь ӵоже Кун Дума коронавируслэсь вӧлмонзэ алонэн герӟаськем кӧня ке катӵектосъёс бордын ужаз. Катэн юнматэмын самолётъёсы азьвыл ик басьтэм билетъёсты кышкыт югдур кылдыку берыктыны эрикрад. Та катэн ик турфирмаослы вузам туръёссы понна, кышкыт югдур кылдыку, коньдонэз берыктэм интые ваучеръёс сётъяны луонлык тупатӥське. Воштонъёс пыртэмын таможняен, лэсьтӥськонэн герӟаськем катрадлыке.
Андрей Исаев пусйиз, катъёсты кутыку, «Единая Россия» фракцилэн уноез ӵектонъёсыз лыдэ басьтэмын шуыса. Кылсярысь, одӥг но ӝыны аресозь пиналэн пукем понна пособилэсь быдӟалазэ будэтон. Азьвыл та пособилэн быдӟалаез нырысетӥ пинал понна одӥг но ӝыны сюрс, кыкетӥез понна – куинь сюрс манет луэ вал. Али нырысетӥ пинал понна 6 752 манет тыриськоз. Пособилэн вылӥ быдӟалаез 13 504 манет луиз.
Фракцилэн мукет ӵектонэз – Росси Азьмуртэн 3-сен 16 аресозь пиналъёслы тупатэм 10 сюрс манет юрттэтэз пунэмъёс понна таланлэсь утён. Со уксё калык понна чакламын, соин ик кредиторъёс кие лэзёно ӧвӧл, адямиос дорозь ик вуттоно, валэктӥз депутат.
Андрей Исаев ивортӥз, Кун Дума адямиослы юрттӥськонэн герӟаськем ужрадъёс бордын ужзэ азьланьтоз на. Соос пӧлын – сӧсыръёслэн огазеяськонъёссылэн предприятиоссылы юрттӥськон, эмчиослы санаторийёсын шутэтскыны луонлыкъёс кылдытон, кышкыт югдуръёс дыръя вылӥ дышетсконниосы абитуриентъёсты кутон выль радлык чаклан но мукет ужпумъёс.
Депутат улосвылъёслы юрттон ужрадъёс сярысь но вераз. Кылсярысь, Удмуртия ватсаса 4,5 миллиард манет тыр дотациос басьтӥз ини. Федерал юрттэтэз будэтон бордын уж мыноз на.
Кун Кенешысь депутатъёс федерал каткылдытъясьёслы асьсэлэсь ӵектонъёссэс шараязы. Кылсярысь, Кун Кенешлэн тӧроезлэн Нырысетӥ воштӥсез, демографи но семья политикая ялан ужась ӧрилэн кивалтӥсез Надежда Михайлова федерал законэн юнматыны ӵектӥз пинал вайыны дасяськись нылкышноослы юрттэтэз.
Ас сӧзнэтаз оптимизация ортчытыса, Кун Кенеш Удмуртиысь вуоно анайёслы юрттэт ӵектӥз ини, но со кулэ вань нылкышноослы, кудъёсыз пинал возьмало. Андрей Исаев та ӵектонэз Кун Думае келяны дэмлаз.
Со сяна, кенешонын чузъяськизы кредитъёс висъян, промышленность но гурт удысъёсысь предприятиослы юрттэт сётонъя куронъёсты капчиятыны ӵектонъёс.
Вань шараям ужпумъёс бордын Кун Думаысь депутатъёс пыр-поч ужалозы.