Буре ваизы Кун Кенешлэсь нырысетӥ Тӧрозэ но Удмуртилэсь нырысетӥ Азьмуртсэ Александр Волковез

Туннэ Удмуртиын буре ваизы Кун Кенешлэсь нырысетӥ Тӧрозэ но Элькунлэсь нырысетӥ Азьмуртсэ Александр Волковез. Со улонысь кошкиз 2017 арын 20 куартолэзе.
Александр Волков Удмуртиен 20 ар пала быгатыса кивалтӥз. Солэн дӥсьтэменыз, азьлане учкыны но ужпумъёс пуктыны быгатэменыз, улосмы Приволжск федерал округын но быдэс кунын пӧртэм удысъёсъя азьмынӥсь радъёсы потӥз. Нырысетӥ Азьмуртлэн кичӧлтэмезъя ёросъёсын но каръёсын 700 трос мерлыко ужъюртъёс пуктэмын. Соос пӧлын - выль школаос, нылпи садъёс, стадионъёс. Ижкарын ӝутӥськиз туала цирк, кылдӥз вӧл-вӧл зоопарк, выльдӥськизы театръёс но музейёс.
Кун Кенешлэн Тӧроез Владимир Невоструев пусйиз, Удмуртилэн нырысетӥ Азьмуртэзлэн ӟеч ужъёсыз пыраклы шаерамы улӥсьёслэн сюлэмъёсазы кылёзы шуыса. Уноезлы Александр Волков кивалтӥсь гинэ ӧвӧл, умой эш но дышетӥсь луиз.
«Туннэ, 20 куартолэзе, Александр Александрович Волковез буре ваён нунал. Асьмеос ваньмы тодамы возём адямиез, кудӥз сюлмыныз висиз шаермылэн ӵуказе нуналэз понна но трос лэсьтӥз, со мед азинтӥськоз шуыса», - вераз Владимир Невоструев.