Кун Кенешысь депутатъёс палэнысен приём нуозы

Туннэ аппарат кенешонын Кун Кенешлэн Тӧроез Владимир Невоструев депутатъёслы быръён округъёсын калыкен ужзэс азьланьтыны курыса вазиськиз. Эпидемиологи югдурен сэрен адямиосын пумиськонъёс видеконференци амалэн радъяськыны кулэ. Бырйисьёсын ужлы та вакытэ уката но бадӟым саклык висъяно, пусйиз элькун парламентлэн спикерез. Адямиос вань юанъёссылы тыро-пыдо валэктонъёс басьтыны кулэ.
Али Кун Кенешысь депутатъёслэсь адямиосын пумиськылон графикъёссэс дасяло. Кун Кенешлэн Тӧроез Владимир Невоструев но Кун Кенешысь депутат Андрей Волков Юкаменск но Яр ёросын улӥсьёсын пумиськылонъёссэс 14 куартолэзьлы чаклазы.