Владимир Невоструев кайгыремзэ вераз Удмуртиысь тодмо тодосчи, археолог Маргарита Иванова улонысь кошкемен валче

Кун Кенешлэн Тӧроез Владимир Невоструев мур кайгыремзэ вераз тодмо тодосчилэн, археологлэн, история, кылъя но литературая Удмурт институтысь валтӥсь ӧнерчилэн, истори тодосъя докторлэн, профессорлэн Маргарита Ивановалэн ӵыжы-выжыосызлы но ӵош ужась эшъёсызлы.
«Маргарита Григорьевна Удмуртилэн но быдэс кунмылэн историяз шӧдскымон пытьы кельтӥз. Солэн тыршеменыз Удмуртиын шор дауръёслэн историзыя Россиын нырысетӥез «Индакар» музей-заповедник кылдӥз, калык киужъёсты выльдон кутскиз, огъя удмурт калыклэн культураеныз но историеныз тунсыкъяськон будӥз.
Вордӥськем музъемезлы яратонзэ но гажанзэ со быдэс улонэз пыр поттӥз, вуоно поколениослы узыр кылёсбур кельтӥз. Маргарита Григорьевна пыраклы кылёз сюлэмъёсамы», - шуэмын телеграммаын.
Тодмо тодосчи, археолог Маргарита Иванова улонысь кошкиз толон, 12 куартолэзе. Солы 74 арес вал.