Версия для слабовидящих
Владимир Невоструев но Андрей Волков палэнысен адямиосын пумиськонъёс радъязы

Владимир Невоструев но Андрей Волков палэнысен адямиосын пумиськонъёс радъязы

14.05.2020
Владимир Невоструев но Андрей Волков палэнысен адямиосын пумиськонъёс радъязы
Туннэ Кун Кенешлэн Тӧроез Владимир Невоструев но элькун парламентысь депутат Андрей Волков видеоконференцсвязь амалэн адямиосын пумиськонъёс ортчытӥзы. Депутатъёсын Яр но Юкаменск ёросъёсын улӥсьёс герӟаськылӥзы.
Яр ёросысь Мосеево гуртын улӥсь Быдӟым Атыкай оже пыриськемъёслы сӥзем синпелетэз тупатъяны юрттэт курыса вазиськиз. Коньдонлэсь оглюкетсэ гуртын улӥсьёс асьсэос бичазы ини. Но со тырмыт ӧвӧл. Депутатъёс оскытӥзы, гуртоослы ужзэс быдэстыны юрттозы шуыса.
Выльдэмез кулэ каре Яр каргуртысь 2 номеро нылпи сад. Ужпум сярысь ивортӥз ужъюртлэн кивалтӥсез. Кылем арын юртлэсь липетсэ тупатъязы, выль укноос пуктылӥзы. Но туннэ Роспотребнадзор нылпи садэз куронъёслы тупасьтэмен лыдъяз. Воштоно пищеблокысь тӥрлыкез. Та дыре нылпиосты мукет юртъёсы интыяно луиз. Депутатъёс ужпумез эскерыны оскытӥзы.
Коньдонэн юрттэт курыса вазиськиз Казаково гуртын улӥсь. Солэн коркаез ӝуам. Али 70 аресъем воргорон пичи корка интыяськиз, но сое тупатъяны кулэ. Депутатъёс воргоронлы арлыдоослы чаклам юртэ интыяськыны ӵектӥзы.
Приёмын озьы ик чузъяськизы ансамбльёслы костюмъёс вурыны, трос нылпиё семьялы ноутбук басьтыны, лыдӟиськоннилэсь фондзэ тырмытыны куронъёс. Озьы ик гуртъёсы газ, интернет кысконэн герӟаськем ужпумъёсты шараязы. Вань вазиськонъёсъя уж ортчытэмын луоз.

Возврат к списку