Удмуртиын улӥсьёс Ижкарез «Ужъя данлыко кар» нимен пусъён понна куаразэс он-лайн амалэн сётыны быгатозы
08.04.2020
Ижкарез «Ужъя данлыко кар» нимен пусъён понна Удмуртиын улӥсьёс куаразэс он-лайн амалэн сётыны быгатозы http://za.izh.ru/ сайтын.
Кинюртэмъёсты бичан уже шаерысьтымы 23 сюрслэсь ятыр адями итӥськиз ини. Ужрадэ пыриськизы утиськон огъетын ужасьёс, пыӵал поттон удысысь ветеранъёс, Кун Кенешысь депутатъёс, мерлыко огазеяськонъёслэн ёзчиоссы. Ижкарын улӥсьёс сяна, кичӧлтонлы дурбасьто пичи каръёсын но ёросъёсын улӥсьёс.
Кун Кенешлэн Тӧроезлэсь ужзэ быдэсъясь Владимир Невоструев шаерысь вань улӥсьёсты куара сётонэ пыриськыны ӧтиз. «Мылкыдмес огкылысь возьматӥм ке, шоркармы та вылӥ нимез басьтыны быгатоз», - оскемзэ вераз Владимир Невоструев.
«Ужъя данлыко кар» Город-герой нимен оградын сылэ, - шуэ Ижкарлэн Дано кунмуртэз, тодмо пыӵал лэсьтӥсь Владимир Ярыгин. - Малпасько, асьме калыкмы быгатэ со дано нимез нуллыны. Быдӟым Атыкай ож дыръя лэсьтэм уж но поттэм ваньбур со - асьме адямиосмылэн героизмзы».
Кинюртэмъёсты бичан Удмуртиын 2020 арын 5 южтолэзе кутскиз. Кыстӥськоз со 25 оштолэзёзь. Федерал катрадлыкъя, улосвылъёсысь куриськонъёслы йылпумъян лэсьтэ Россиысь наукаосъя академия, собере ужкгазъёсты «Победа» Росси оргкомитет эскере. «Ужъя данлыко кар» ним юнматӥське Росси Азьмуртлэн Указэныз Тулыслэн но Ужлэн нуналзы азьын.
Тодады вайытом, «Ужъя данлыко кар» ним сётӥське ож вакытэ ужаменызы Быдӟым Вормонэз вайыны юрттэм каръёслы.
Кинюртэмъёсты бичан уже шаерысьтымы 23 сюрслэсь ятыр адями итӥськиз ини. Ужрадэ пыриськизы утиськон огъетын ужасьёс, пыӵал поттон удысысь ветеранъёс, Кун Кенешысь депутатъёс, мерлыко огазеяськонъёслэн ёзчиоссы. Ижкарын улӥсьёс сяна, кичӧлтонлы дурбасьто пичи каръёсын но ёросъёсын улӥсьёс.
Кун Кенешлэн Тӧроезлэсь ужзэ быдэсъясь Владимир Невоструев шаерысь вань улӥсьёсты куара сётонэ пыриськыны ӧтиз. «Мылкыдмес огкылысь возьматӥм ке, шоркармы та вылӥ нимез басьтыны быгатоз», - оскемзэ вераз Владимир Невоструев.
«Ужъя данлыко кар» Город-герой нимен оградын сылэ, - шуэ Ижкарлэн Дано кунмуртэз, тодмо пыӵал лэсьтӥсь Владимир Ярыгин. - Малпасько, асьме калыкмы быгатэ со дано нимез нуллыны. Быдӟым Атыкай ож дыръя лэсьтэм уж но поттэм ваньбур со - асьме адямиосмылэн героизмзы».
Кинюртэмъёсты бичан Удмуртиын 2020 арын 5 южтолэзе кутскиз. Кыстӥськоз со 25 оштолэзёзь. Федерал катрадлыкъя, улосвылъёсысь куриськонъёслы йылпумъян лэсьтэ Россиысь наукаосъя академия, собере ужкгазъёсты «Победа» Росси оргкомитет эскере. «Ужъя данлыко кар» ним юнматӥське Росси Азьмуртлэн Указэныз Тулыслэн но Ужлэн нуналзы азьын.
Тодады вайытом, «Ужъя данлыко кар» ним сётӥське ож вакытэ ужаменызы Быдӟым Вормонэз вайыны юрттэм каръёслы.