Версия для слабовидящих
ЖКХ понна тыронъёсты ӝегатэм понна ар пумозь штрафъёс уз луэ

ЖКХ понна тыронъёсты ӝегатэм понна ар пумозь штрафъёс уз луэ

07.04.2020
«Единая Россия» партилэсь но Россиысь лэсьтӥськонъя но жилищно-коммунальной возёсъя Министерстволэсь коронавируслэн пандемиеныз сэрен ЖКХ понна тыронъёсъя нимысьтыз радлык тупатон сярысь ӵектонзэс умоен лыдъяз Росси Кивалтэт. Солэн пуктэмезъя,, та удысын пунэмъёс понна штрафъёс ар пумозь сётъяны уг яра. Озьы ик лэземын ӧвӧл коммунальной юрттӥськетъёсты кысылыны.
Кыкетӥ оштолэзе «Единая Россиялэн» Валтӥсь кенешезлэн секретарез, Федераци Кенешлэн вице-спикерез Андрей Турчак таӵе ӵектонэн парламентлэн вылӥ палатаезлэн кенешоназ вераськиз.
Удмуртилэн Кун Кенешысьтыз экономика политикая, промышленностья но инвестициосъя ялан ужась комиссилэн кивалтӥсезлэн воштӥсез Александр Коробейников таӵе ужрадъёсты туж кулэен но лэчытэн лыдъя. Соос шуг улон югдуре сюрем адямиосты висъяськыса улон вакытэ тылтэк, электричествотэк но вутэк кылёнлэсь утёзы, пусйиз депутат.


Возврат к списку