Татьяна Ишматова: Дышетон ужъюртъёслэн сайтъёсазы палэнысен дышетсконлы кулэ луись ивортонъёс вань
05.04.2020
Кылдэм эпидемиологи югдурен сэрен Удмуртиысь школаосын дышетскисьёс но студентъёс палэнысен тодон-валан басьтон амал вылэ выжизы. Урокъёс но занятиос он-лайн амалэн радъясько.
Дышетсконниосын тазьы ужаны кулэ луонлыкъёс кылдытэмын. Со сяна, дышетонъя министерство школаослы он-лайн ресурсъёсты уже кутыны ӵектэ.
Дышетонэз радъян сярысь ивортон но дышетонъя ресурсъёслы ссылкаос дышетон ужъюртъёслэн нимлыко сайтъёсазы интыямын, пусйиз Кун Кенешысь наукая, дышетонъя, культурая, йӧскалык но егитъёсын ужан политикая но спортъя комиссилэн кивалтӥсез, «Новая школа» ӵектослэн улосвыл координаторез Татьяна Ишматова.
«Тулыс каникулъёс бере дышетскисьёс палнысен тодон-валан басьтон амал вылэ пото. Удмуртиысь дышетонъя но наукая министерствоын пӧсь герӟет усьтэмын.Отчы асьсэлэн юанъёсыныз вазиськыны быгато дышетӥсьёс но, пиналъёс но, анай-атайёс но, - шуиз Татьяна Ишматова. - Ватсаса тодон-валан басьтонын ӟеч юрттэт луыны быгатозы электрон лыдӟиськонниос, музейёс, театръёс. Соос вань мылкыд карисьёслы дунтэк усьтэмын».
Дышетонъя электрон платформаос озьы ик дунтэк ужало.
Дышетсконниосын тазьы ужаны кулэ луонлыкъёс кылдытэмын. Со сяна, дышетонъя министерство школаослы он-лайн ресурсъёсты уже кутыны ӵектэ.
Дышетонэз радъян сярысь ивортон но дышетонъя ресурсъёслы ссылкаос дышетон ужъюртъёслэн нимлыко сайтъёсазы интыямын, пусйиз Кун Кенешысь наукая, дышетонъя, культурая, йӧскалык но егитъёсын ужан политикая но спортъя комиссилэн кивалтӥсез, «Новая школа» ӵектослэн улосвыл координаторез Татьяна Ишматова.
«Тулыс каникулъёс бере дышетскисьёс палнысен тодон-валан басьтон амал вылэ пото. Удмуртиысь дышетонъя но наукая министерствоын пӧсь герӟет усьтэмын.Отчы асьсэлэн юанъёсыныз вазиськыны быгато дышетӥсьёс но, пиналъёс но, анай-атайёс но, - шуиз Татьяна Ишматова. - Ватсаса тодон-валан басьтонын ӟеч юрттэт луыны быгатозы электрон лыдӟиськонниос, музейёс, театръёс. Соос вань мылкыд карисьёслы дунтэк усьтэмын».
Дышетонъя электрон платформаос озьы ик дунтэк ужало.