Кун Кенешлэн Президиумезлэн ёзчиосыз умоен лыдъяло Росси Азьмуртлэсь толэзь пумозь ужатэк улон сярысь косонзэ
03.04.2020
Россилэн Азьмуртэз Владимир Путин ужатэк улон нуналъёсты 30 оштолэзёзь йылэтон сярысь ялӥз. Со сярысь со вераз 2 оштолэзе кунын улӥсьёслы вазиськоназ. Ужрад коронавируслэн вӧлмонэныз нюръяськон понна чакламын. Удмуртиысь Кун Кенешлэн Президиумезлэн ёзчиосыз Росси Азьмуртлэсь та пуктэтсэ пайдаё но шонер шуыса нимазы.
Кун Кенешлэн Тӧроезлэсь ужзэ быдэсъясь Владимир Невоструев шаерын улӥсьёслы висъяськыса улон амалэз чакланы курыса вазиськиз. Со коронавируслэсь вӧлмонзэ алыны юрттоз, шуиз депутат. Кун Кенешлэн Тӧроезлэн воштӥсез, тазалыкез утёнъя, демографи но семья политикая ялан ужась комиссилэн кивалтӥсез Надежда Михайлова пусйиз, калыклэсь нимаз возиськон но чылкытлыкъя куронъёсты чаклан со - пӧртэм черъёсын нюръяськон одӥгез валтӥсез амал.
«Удмуртиын коронавируслэн аляменыз герӟаськем югдур али огсыр возиське. Но со азьланяз озьы ик мед возиськоз шуыса, ӵапак али быдэсъяно вань куронъёсты но косонъёсты», - шуиз Надежда Михайлова.
Росси Азьмуртлэсь 2 оштолэзе шараям вазиськонзэ котькуд адями ас вылаз басьтыны кулэ, лыдъя Кун Кенешысь депутат Алексей Конорюков.
«Нимаз висъяськыса улон режим 30 оштолэзёзь ялэмын, но эпидемиологи югдур умой пала воштӥськиз ке, та дыр кулэстэмын луыны быгатоз шуэмын. Нош адямиос куронъёсты али ӧз быдэсъялэ ке, югдур умойтэм пала но берытскыны быгатоз. Та дыре тросэз урамъёсы потало, мугъёстэк поръяны тыршо. Таӵе учыре нимаз висъяськыса улон режим чурытатэмын луыны быгатоз», - алӥз Конорюков. Со озьы ик пусйиз, Удмуртилэн Кивалтэтэз экономикаез но, адямиосты но утён понна тырмыт ужрадъёс кутэ шуыса.
Кун Кенешлэн Тӧроезлэсь ужзэ быдэсъясь Владимир Невоструев шаерын улӥсьёслы висъяськыса улон амалэз чакланы курыса вазиськиз. Со коронавируслэсь вӧлмонзэ алыны юрттоз, шуиз депутат. Кун Кенешлэн Тӧроезлэн воштӥсез, тазалыкез утёнъя, демографи но семья политикая ялан ужась комиссилэн кивалтӥсез Надежда Михайлова пусйиз, калыклэсь нимаз возиськон но чылкытлыкъя куронъёсты чаклан со - пӧртэм черъёсын нюръяськон одӥгез валтӥсез амал.
«Удмуртиын коронавируслэн аляменыз герӟаськем югдур али огсыр возиське. Но со азьланяз озьы ик мед возиськоз шуыса, ӵапак али быдэсъяно вань куронъёсты но косонъёсты», - шуиз Надежда Михайлова.
Росси Азьмуртлэсь 2 оштолэзе шараям вазиськонзэ котькуд адями ас вылаз басьтыны кулэ, лыдъя Кун Кенешысь депутат Алексей Конорюков.
«Нимаз висъяськыса улон режим 30 оштолэзёзь ялэмын, но эпидемиологи югдур умой пала воштӥськиз ке, та дыр кулэстэмын луыны быгатоз шуэмын. Нош адямиос куронъёсты али ӧз быдэсъялэ ке, югдур умойтэм пала но берытскыны быгатоз. Та дыре тросэз урамъёсы потало, мугъёстэк поръяны тыршо. Таӵе учыре нимаз висъяськыса улон режим чурытатэмын луыны быгатоз», - алӥз Конорюков. Со озьы ик пусйиз, Удмуртилэн Кивалтэтэз экономикаез но, адямиосты но утён понна тырмыт ужрадъёс кутэ шуыса.