Версия для слабовидящих
Александр Бречалов депутатъёс азьын Элькун Кивалтэтлэн 2019 арын ужамез сярысь ивортон лэсьтӥз

Александр Бречалов депутатъёс азьын Элькун Кивалтэтлэн 2019 арын ужамез сярысь ивортон лэсьтӥз

25.03.2020
Александр Бречалов депутатъёс азьын Элькун Кивалтэтлэн 2019 арын ужамез сярысь ивортон лэсьтӥз
Туннэ Кун Кенешлэн азьвыл чакламтэ сессияз Элькунлэн Тӧроез Александр Бречалов Элькун Кивалтэтлэн 2019 арын ужамез сярысь ивортон лэсьтӥз. Докладын бадӟым саклык висъяськиз нылпиосын семьяослы юрттэт сётон, пичи но шоръёзо ужбергатонэз азинтон, лэсьтӥськон, аналтэм музъемъёсты уже пыртон но мукет ужпумъёслы.
Ивортонзэ Тӧро янгышъёс но кулэезъя быдэстымтэ ужпумъёс бордысен кутскиз. Соос пӧлын – сюресъёс но школаос. Кылем арын тупатъям куд-ог сюресъёс туэ тулыс вуэмен сӧриськизы, Ижкарысь Берш нимо урамын но Кезын дышетсконниосты лэсьтон ӝегаз. Кивалтэт со тырмымтэосты палэнтон бордын ужалоз, оскытӥз кивалтӥсь.
Кылем ар шаерамы тазалыклэн ареныз ялэмын вал. Та дыр ӵоже «Здравоохранение» но «Демография» йӧскалык проектъёсъя шаерамы 3 млрд 265 млн манет уже кутэмын. Капчиятэм амалъёсъя эмъюм басьтыны 687 млн манет висъямын. Со 395 млн манетлы тросгес 2018 арын сярысь. 2020 арын та ужъёслы 1 млрд манет чакламын, ивортӥз Александр Бречалов.
Удыс понна тужгес лэчытэз ужпум туннэ – эмчиослэн тырмымтэзы. Та дырлы шаерамы 145 врачъёс но сюрслэсь трос шоръёзо эмужасьёс кулэ. Соин валче моногородъёсысь кун больницаосы ужаны интыяськем эмчиослы таяз арысен ватсаса коньдон тырозы. Ӝыны миллион манет сётозы врачъёслы но 300 сюрс манет - эмсузэръёслы но шоро-куспо эм тодон-валанэн мукет ӧнерчиослы. Та программаез быдэсъяны элькун бюджетысь 20 миллион манет висъялозы.
Элькун Тӧролэн Александр Бречаловлэн быдэсак доклаэныз тодматскыны луоз татын>>>

Возврат к списку