Кун Кенешлэн Президиумез патриотизм мылкыд пыӵатон сярысь элькун катлэсь ужамзэ эскериз
13.02.2020
Туннэ Алексей Прасолов Кун Кенешлэн Президиумезлэсь кенешонзэ ортчытӥз. Валтӥсь юан - патриотизм мылкыд пыӵатон сярысь элькун катлэн быдэсъяськемез.
Закон ужаны кутскиз 2019-тӥ арын 1-тӥ толшорысен. Гудырикошконысен наукая, дышетонъя, культурая, йӧскалык но егитъёсын ужан политикая но спортъя ялан ужась комиссия солэн ужамезъя эскерон нуиз. Мониторинглэн йылпумъянъёсыз сярысь ивортӥз ӧрилэн кивалтӥсез Татьяна Ишматова.
Туннэ та выллем федерал кат ӧвӧл, пусйиз со. Соин ик огъя валатонъёс но удысын юнматэмын ӧвӧл. Патриотизм мылкыд пыӵатонъя уж мынэ дышетонъя кат улсын.
Удмуртиын та ласянь удыскуспо координаци кенеш кылдытэмын, атыкай музъемлы гажан пыӵатон ужлы коньдон висъяське кӧня ке кун программаосъя. Ваньмаз сямен муниципал огазеяськонъёсын нормативной актъёс кутэмын.
Катын пусъем вань ӧръёсъя уж нуиське. Ожгар но патриотизм ӧрын 43 клуб ужа, озьы ик ужзэс нуо поисковикъёслэн 15 отрядъёссы, патриотизм мылкыд пыӵатонъя 2 центр, волонтёръёслэн 289 отрядъёссы но 208 огазеяськонъёссы, эрикрадэз утисьёслы юрттонъя 33 отряд. Шаерамы 102 военно-патриотической огазеяськон лыдъяське. Отчы огъя 20 сюрс адями пыриське. Муниципал кылдытэтъёсын «ЮНАРМИЯ» росси движенилэн 30 ёзъёсыз лыдъясько. Атыкай музъемлы гажан мылкыд пыӵатон ужен 355 музей но 12 йӧскалык огазеяськонъёс выро.
Огъя вераса, катлэн пайдалыкез вань, вераз Татьяна Ишматова. Кылемын сюлмаськытись юанъёс но. Кылсярысь, туннэ ӧжытгес уж мынэ школаез йылпумъям, ужась егитъёсын. Cо сяна, удысъёс куспын валче ужез ӟечгес радъяны, кадет движенилы нормативной инъет кылдытыны кулэ.
Патриотизм мылкыд пыӵатонъя ужамзы сярысь ивортон лэсьтӥзы элькунысь физкультурая, спортъя но егитъёсын ужан политикая министр Александр Варшавский, мерлыко огазеяськонъёслэн ёзчиоссы но муниципал кылдытэтъёсысь ӧнерчиос.
Кун Кенешлэн Тӧроез Алексей Прасолов пусйиз, патриотизм мылкыд пыӵатонъя огъя федерал катлэн кулэлыкез сярысь вераськон нуиське. Таӵе ӵектонзэс пӧртэм улосъёсысь но, Удмуртиысь но каткылдытъясьёс вераллязы ини.
Закон ужаны кутскиз 2019-тӥ арын 1-тӥ толшорысен. Гудырикошконысен наукая, дышетонъя, культурая, йӧскалык но егитъёсын ужан политикая но спортъя ялан ужась комиссия солэн ужамезъя эскерон нуиз. Мониторинглэн йылпумъянъёсыз сярысь ивортӥз ӧрилэн кивалтӥсез Татьяна Ишматова.
Туннэ та выллем федерал кат ӧвӧл, пусйиз со. Соин ик огъя валатонъёс но удысын юнматэмын ӧвӧл. Патриотизм мылкыд пыӵатонъя уж мынэ дышетонъя кат улсын.
Удмуртиын та ласянь удыскуспо координаци кенеш кылдытэмын, атыкай музъемлы гажан пыӵатон ужлы коньдон висъяське кӧня ке кун программаосъя. Ваньмаз сямен муниципал огазеяськонъёсын нормативной актъёс кутэмын.
Катын пусъем вань ӧръёсъя уж нуиське. Ожгар но патриотизм ӧрын 43 клуб ужа, озьы ик ужзэс нуо поисковикъёслэн 15 отрядъёссы, патриотизм мылкыд пыӵатонъя 2 центр, волонтёръёслэн 289 отрядъёссы но 208 огазеяськонъёссы, эрикрадэз утисьёслы юрттонъя 33 отряд. Шаерамы 102 военно-патриотической огазеяськон лыдъяське. Отчы огъя 20 сюрс адями пыриське. Муниципал кылдытэтъёсын «ЮНАРМИЯ» росси движенилэн 30 ёзъёсыз лыдъясько. Атыкай музъемлы гажан мылкыд пыӵатон ужен 355 музей но 12 йӧскалык огазеяськонъёс выро.
Огъя вераса, катлэн пайдалыкез вань, вераз Татьяна Ишматова. Кылемын сюлмаськытись юанъёс но. Кылсярысь, туннэ ӧжытгес уж мынэ школаез йылпумъям, ужась егитъёсын. Cо сяна, удысъёс куспын валче ужез ӟечгес радъяны, кадет движенилы нормативной инъет кылдытыны кулэ.
Патриотизм мылкыд пыӵатонъя ужамзы сярысь ивортон лэсьтӥзы элькунысь физкультурая, спортъя но егитъёсын ужан политикая министр Александр Варшавский, мерлыко огазеяськонъёслэн ёзчиоссы но муниципал кылдытэтъёсысь ӧнерчиос.
Кун Кенешлэн Тӧроез Алексей Прасолов пусйиз, патриотизм мылкыд пыӵатонъя огъя федерал катлэн кулэлыкез сярысь вераськон нуиське. Таӵе ӵектонзэс пӧртэм улосъёсысь но, Удмуртиысь но каткылдытъясьёс вераллязы ини.