Версия для слабовидящих
«Единая Россия» партилэн Улосвыл политсоветэзлэн Президиумез Росси Азьмуртлэсь Посланизэ быдэсъян ужпумъёсты эскериз

«Единая Россия» партилэн Улосвыл политсоветэзлэн Президиумез Росси Азьмуртлэсь Посланизэ быдэсъян ужпумъёсты эскериз

22.01.2020
«Единая Россия» партилэн Улосвыл политсоветэзлэн Президиумез Росси Азьмуртлэсь Посланизэ быдэсъян ужпумъёсты эскериз
Туннэ «Единая Россия» партилэн Улосвыл политсоветэзлэн Президиумезлэн кенешонэз ортчиз. Сое Кун Кенешлэн Тӧроезлэн Нырысетӥ воштӥсез, кышкыттэмлыкъя, Регламентъя но Кун Кенешлэсь ужзэ радъянъя комиссилэн кивалтӥсез, «Единая Россия» партилэн Удмуртиысь улосвыл ёзэзлэн секретарез Владимир Невоструев нуиз.
Кенешонын эскерем валтӥсез ужпум – Росси Азьмуртлэсь Владимир Путинлэсь 2020-тӥ арын 15-тӥ толшоре Федерал Собранилы шараям Вазиськонзэ Удмуртиын быдэсъян.
Кызьы пусйиз Владимир Невоструев, партия кун но калык куспын герӟась ёз выллем луыны кулэ. 15-тӥ южтолэзёзь кылдытыны кулэ выль лэсьтэм но ужаны кутскыны быгатӥсьтэм нылпи садъёслэсь списоксэс. Котькудӥзъя кылдэм югдурлэсь мугъёссэ рос-прос эскероно. Озьы ик анай-атайёсын нылпиосты дышетсконниосын сюдонъя кенешонъёс ортчытъяно.
«Куд-ог ужрадъёс шаерамы быдэсъясько ини, - шуиз нырысетӥ вице-спикер. – Кылсярысь, кутскон сётэмын партилэн «Кышкыттэмлыко нылпи сад» ӵектосэзлы. Со улсын Кун Кенешысь но Ижкар думаысь депутатъёс нылпи садъёсын ужасьёсын но анай-атайёсын пумиськыло.
Кун Кенешлэн Тӧроезлэн воштӥсез, тазалыкез утёнъя, демографи но семья политикая ялан ужась ӧрилэн кивалтӥсез Надежда Михайлова кыдёкысь гуртъёсын эмъюмъёсты вузанэз радъян, нылпи будэтӥсь семьяослы юрттэт сётонэз азинтон ласянь ӵектонъёссэ вераз. «Комиссимы пиналъёслэсь шутэтскон вакытсэс радъян но тазалыксэс юнматон ласянь нимысьтыз катӵектос дасяны чакла», - ивортӥз со.
Бадӟым ужпумъёс вань нырысь-валысь эмъюрттэт сётон удысын. Туэ шаерамы 88 выль ФАП лэсьтыны кулэ. Бадӟым люкетэзлы ужкагазъёсты Кивалтэт тулыспал толэзьлэн кутсконаз басьтыны кулэ ини. Вице-спикер котькудӥз лэсьтоно объект борды нимысьтыз депутатэз юнматыны ӵектӥз. Со чакланы кулэ луоз, лэсьтӥськон дыраз но кулэезъя мед мыноз шуыса.
Нимысьтыз уж нуиськоз Росси Конституцие пыртоно воштонъёсъя. Соосты калыкен ӵош эскероно, огкылэ вуизы люкаськемъёс.

Возврат к списку