Кияса черкогуртын хоккеен шудон выль коробка усьтӥзы
21.01.2020
Кияса черкогуртын хоккеен шудон выль коробка усьтӥзы. Со Удмуртиысь Кивалтэт но Михаил Гуцериевлэн «САФМАР» благотворительной фондэз куспын валче ужанъя огкыл улсын лэсьтэмын.
Выль объектэз усьтонэ пыриськизы Кун Кенешысь депутат, «Белкамнефть» акционер огазеяськонлэн Валтӥсь директорез Дмитрий Арсибеков, Элькунысь физкультурая, спортъя но егитъёсын ужан политикая министрлэн нырысетӥ воштӥсез Денис Парахин, Кияса ёрослэн Тӧроез Сергей Мерзляков.
«Черкогуртын куать-сизьым ар талэсь азьло пуктэм каток вал ини. Но со пичи, пулэсь бортъёсыз вужмемын. Соин ик выль хоккей площадкалэн кулэлыкез бадӟым вал. Со соку ик калыкез дораз кыскиз», - вераз Киясаысь нылпи спорт школалэн кивалтӥсез Василий Байбородов.
Черкогуртын али нылпиослэн арлыдзыя кык хоккей команда. Секцие 45 пала пиналъёс пырисько. Озьы ик черкогуртын воргоронъёслэн командазы вань.
Выль объектэз усьтонэ пыриськизы Кун Кенешысь депутат, «Белкамнефть» акционер огазеяськонлэн Валтӥсь директорез Дмитрий Арсибеков, Элькунысь физкультурая, спортъя но егитъёсын ужан политикая министрлэн нырысетӥ воштӥсез Денис Парахин, Кияса ёрослэн Тӧроез Сергей Мерзляков.
«Черкогуртын куать-сизьым ар талэсь азьло пуктэм каток вал ини. Но со пичи, пулэсь бортъёсыз вужмемын. Соин ик выль хоккей площадкалэн кулэлыкез бадӟым вал. Со соку ик калыкез дораз кыскиз», - вераз Киясаысь нылпи спорт школалэн кивалтӥсез Василий Байбородов.
Черкогуртын али нылпиослэн арлыдзыя кык хоккей команда. Секцие 45 пала пиналъёс пырисько. Озьы ик черкогуртын воргоронъёслэн командазы вань.