200-лэсь трос нылкышноосты огазеяз «Кышномурт – калык культуралэсь узырлыксэ утись» финн-угор форум
09.04.2022
Алнаш ёросысь Сырьезь гуртын «Женщина- хранительница культурного наследия своего народа» («Кышномурт – калык культуралэсь узырлыксэ утись») финн-угор форум ортчиз. Гуртысь культурая юртэ калык тыраз люкаськемын вал. Форумез радъян бордын ужазы "Удмурт Кенеш», «Удмурт нылкышно кенеш» огазеяськонъёс, Нациосын ужан политикая министерство, Алнаш ёрос администрация. Форумлэн ужаз пыриськизы пӧртэм удысъёсысь нылкышноос, Удмуртиысь сяна, Татарстанысь, Башкортостанысь, Пермь улосысь куноос, активистъёс.
Люкаськемъёслы азинлык, пайдаё уж сӥзыса, вераськизы Кун Кенешысь дышетонъя, наукая, культурая, йӧскалык политикая но туризмъя ялан ужась комиссилэн, "Удмурт Кенеш" огазеяськонлэн кивалтӥсез Татьяна Ишматова, Нациосын ужан политикая министр Эдуард Петров, Алнаш ёрослэн йырыз Алексей Семёнов, Сырьезь гуртысь хозяйстволэн кивалтӥсез Николай Михайлов. Форуме пыриськисьёслы онлайн амалэн вазиськизы Кун Думаысь депутат Лариса Буранова, Россиысь фин-угор калыкъёслэн ассоциацизылэн кивалтӥсез Пётр Тултаев.
Люкаськемъёс азьын валтӥсь доклад лэсьтӥз "Удмурт нылкышно кенеш" огазеяськонлэн кивалтӥсез, "Удмурт дунне" газетлэн валтӥсь редакторез Елена Миннигараева. Со пусйиз, макем бадӟым инты басьтэ нылкышно калыклэсь культурая узырлыксэ утёнын. Форумлэн пленарной люкетаз ик докладэн вераськизы Историяя, кылъя но литературая институтысь профессор Надежда Шутова, Ашальчи Оки музейысь наукая сотрудник Мария Петрова.
Азьланяз уж азинскиз куинь секциын. Люкаськемъёс вераськизы кышномуртлэн калык культураез, кылэз утёнын интыез сярысь. Кызьы пиналлы ас культуразэ гажан мылкыд пыӵатоно? Кызьы семьялэсь тазалыксэ юнматоно? Кызьы анай кылэз пиналлы шудон пыр пыӵатоно? Котькудӥз форуме пыриськем нылкышно та ужпумъёсъя аслаз ёросаз, гуртаз но пумиськон ортчытыны быгатоз.
Форум дыръя ик данъямын вал 2021-тӥ ар понна Ашальчи Оки премиен пусъем нылкышно - Пичи Пурга ёросысь Зинаида Титова.
Ужрад йылпумъяськиз бадӟым концертэн. Калыкез шулдыртӥзы удмурт "Азвесь гырлы", пор "Царамис" но трос мукет коллективъёс, Алнаш музъем вылысь яркыт кырӟасьёс.
Люкаськемъёслы азинлык, пайдаё уж сӥзыса, вераськизы Кун Кенешысь дышетонъя, наукая, культурая, йӧскалык политикая но туризмъя ялан ужась комиссилэн, "Удмурт Кенеш" огазеяськонлэн кивалтӥсез Татьяна Ишматова, Нациосын ужан политикая министр Эдуард Петров, Алнаш ёрослэн йырыз Алексей Семёнов, Сырьезь гуртысь хозяйстволэн кивалтӥсез Николай Михайлов. Форуме пыриськисьёслы онлайн амалэн вазиськизы Кун Думаысь депутат Лариса Буранова, Россиысь фин-угор калыкъёслэн ассоциацизылэн кивалтӥсез Пётр Тултаев.
Люкаськемъёс азьын валтӥсь доклад лэсьтӥз "Удмурт нылкышно кенеш" огазеяськонлэн кивалтӥсез, "Удмурт дунне" газетлэн валтӥсь редакторез Елена Миннигараева. Со пусйиз, макем бадӟым инты басьтэ нылкышно калыклэсь культурая узырлыксэ утёнын. Форумлэн пленарной люкетаз ик докладэн вераськизы Историяя, кылъя но литературая институтысь профессор Надежда Шутова, Ашальчи Оки музейысь наукая сотрудник Мария Петрова.
Азьланяз уж азинскиз куинь секциын. Люкаськемъёс вераськизы кышномуртлэн калык культураез, кылэз утёнын интыез сярысь. Кызьы пиналлы ас культуразэ гажан мылкыд пыӵатоно? Кызьы семьялэсь тазалыксэ юнматоно? Кызьы анай кылэз пиналлы шудон пыр пыӵатоно? Котькудӥз форуме пыриськем нылкышно та ужпумъёсъя аслаз ёросаз, гуртаз но пумиськон ортчытыны быгатоз.
Форум дыръя ик данъямын вал 2021-тӥ ар понна Ашальчи Оки премиен пусъем нылкышно - Пичи Пурга ёросысь Зинаида Титова.
Ужрад йылпумъяськиз бадӟым концертэн. Калыкез шулдыртӥзы удмурт "Азвесь гырлы", пор "Царамис" но трос мукет коллективъёс, Алнаш музъем вылысь яркыт кырӟасьёс.