Ижысь Шор площадьын «Русская весна» концерт ортчиз
18.03.2022
Ужрад сӥземын вал Крымлэн Россиен огазеяськемезлы 8 ар тырмонлы, Украинаын спецоперацие пыриськись воргоронъёсмес сӥлы каронлы. Концертэз учкыны вуизы эмъясьёс, дышетӥсьёс, заводын ужасьёс, студентъёс, мӧйыос. Киосазы — тӧдьы-лыз-горд шаръёс, куншетъёс.
Ужрадэ пыриськизы Кун Кенешысь депутатъёс но. Праздникен ӟечкыласа, люкаськемъёслы вазиськиз Удмуртиысь Тӧролэн администрациеныз кивалтӥсь Сергей Смирнов:
«Калыкмылэн сямаз пыӵамын вордскем шаермес гажан мылкыд. Шуг-секытъёс кылдыку, ӵапак та сяммы юрттэ асьмелы йыгмыт вамышъяны. Туннэ Крым — инты ним гинэ ӧвӧл, со бадӟым кунмылэн пусэз! Кызьы кунпустэк, куншеттэк Россиез син азе пуктыны уг луы, озьы ик Крымтэк но Россиез син азе пуктыны уг луы. 8 ар куспын улонамы трос воштӥськонъёс ортчизы. Но ӧз воштӥськы одӥгез гинэ — юн кужыммы. Та концертэ лыктыса, асьмеос возьматӥмы ог-огмылы юрттыса улонлы дурбасьтэммес!»
Концертэз шулдыртӥзы филармониысь «Италмас», «Шулдыр ӝыт» ансамбльёс, Чечняын но Афганистанын ожмаськем офицеръёс.
Ужрадэ пыриськизы Кун Кенешысь депутатъёс но. Праздникен ӟечкыласа, люкаськемъёслы вазиськиз Удмуртиысь Тӧролэн администрациеныз кивалтӥсь Сергей Смирнов:
«Калыкмылэн сямаз пыӵамын вордскем шаермес гажан мылкыд. Шуг-секытъёс кылдыку, ӵапак та сяммы юрттэ асьмелы йыгмыт вамышъяны. Туннэ Крым — инты ним гинэ ӧвӧл, со бадӟым кунмылэн пусэз! Кызьы кунпустэк, куншеттэк Россиез син азе пуктыны уг луы, озьы ик Крымтэк но Россиез син азе пуктыны уг луы. 8 ар куспын улонамы трос воштӥськонъёс ортчизы. Но ӧз воштӥськы одӥгез гинэ — юн кужыммы. Та концертэ лыктыса, асьмеос возьматӥмы ог-огмылы юрттыса улонлы дурбасьтэммес!»
Концертэз шулдыртӥзы филармониысь «Италмас», «Шулдыр ӝыт» ансамбльёс, Чечняын но Афганистанын ожмаськем офицеръёс.