Версия для слабовидящих
Спортэн вырон интыосты кылдытон понна Удмуртилы федерал бюджетысь 100 миллион манет висъяськоз

Спортэн вырон интыосты кылдытон понна Удмуртилы федерал бюджетысь 100 миллион манет висъяськоз

27.01.2022
Улосъёслы спортэн вырон интыосты кылдытон понна «Единая Россия» партилэн ӵектэменыз Россилэн Правительствоез федерал бюджетысь 9 миллиард манет висъяз. Соос пӧлысь 2,4 миллиардзэ люкылозы 2022-тӥ арын, 3,3 миллиардзэ – 2023 тӥ арын, 3,4 миллиардзэ – 2024-тӥ арын.
Удмурт Элькунысь Кун Кенешысь мугорез кыдатонъя, спортъя но егитъёсын ужан политикая ялан ужась комиссилэн тӧроез Иван Черезов ивортӥз, Удмуртия матысь 2 арлы 100 миллион манет басьтоз шуыса.
«Шаерамы спортэн вырон интыосты кылдытон понна 2022-тӥ арлы висъямын 80 миллион манет, 2023-тӥ арлы – 20 миллион, – вераз Иван Черезов, - берло вакытэ кунмы трос лэсьтэ спортэз азинтон понна. Шумпотӥсько, спортэн покчиос но, арлыдоос но эшъясько шуыса. Нош выль интыос кылдэмен сыӵе мыло-кыдоос тросгес луозы».

Возврат к списку