Версия для слабовидящих
Кун Кенешын сӥлы каризы Афган оже пыриськемъёсты

Кун Кенешын сӥлы каризы Афган оже пыриськемъёсты

15.02.2022
Кун Кенешын сӥлы каризы Афган оже пыриськемъёсты
Кун Кенешлэн Тӧроез Владимир Невоструев Таукаронъёс сётӥз Кун Кенешысь, город но ёрос Думаосысь депутатъёслы — ас вакытаз Афган ож пыр потэмъёслы.
15-тӥ феврале 33 ар талэсь азьло Афганистанысь потӥзы берлоосыз советской войскоос. Талы сӥзьыса, та нуналэ Россиын пусйиськом службазэс Атыкай музъеммылэсь палэнын нуэмъёсты буре ваён нуналэз.
«Та нуналэ асьмеос тодамы вайиськом соосты, кинъёс зэмос подвиг лэсьтӥзы, сётэм присягазэс пумозяз быдэстӥзы, — пусйиз Владимир Невоструев. — Пӧлысьтызы одӥгез — Сюмси ёросысь Кильмезьын вордскем Валерий Попков, али со улэ Подмосковьеын, Совето Союзлэн Героез луэ.
Афган ож пыр потэмъёс вань Кун Кенешысь депутатъёс пӧлын но, кыкез пусъемын ожысь наградаосын: 6-тӥ ӧтчамлэн депутатэзлы Вадим Исуповлы гадь бордаз бырттэмын Горд кизили орден, 3-тӥ но 4-тӥ ӧтчамъёсысь депутатлы Александр Хлобыстинлы — «За боевые заслуги» медаль.
Туала депутатъёс пӧлысь озьы ик афган ож пыр потэмын Станислав Овечкин, Сарапул город Думалэн тӧроез Сергей Смоляков но Сюмси муниципал округысь депутатъёслэн Кенешсылэн тӧроез Анатолий Пантюхин. Ваньзылы таослы Кун Кенешлэн Тӧрез нимысьтыз тау кариз егитъёсын ужамзы, соослы Атыкай музъеммес гажан, яратон мылкыд пыӵатэмзы понна.
Та нуналэ асьмеос Афган оже сяна, мукет но пичи ожъёсы пыриськемъёсты тодамы вайиськом. 1991-тӥ арысен российкой армия азьвыл Совето Союзлэн музъемез вылаз пуромылӥсь 8 ожъёсы пыриськиз ни. 6 ожгарчиос Россилэн геройёсыз луизы, пӧлысьтызы 5-ез — кулэмзы бере, со — Сергей Борин, Ильфат Закиров, Юрий Курягин, Антон Ушаков но Михаил Чуркин. Удмуртиен юн кусыпъёс возе Ижын вордскем но али Санкт-Петербургын улӥсь Валерий Чухванцев.

Возврат к списку