Удмуртиын арлыдоослы но сӧсыръёслы приёмной семьяослэсь инлыксэс катэн юнматыны ӵекто
07.10.2021Алексей Чернов 6 коньывуонэ ужъя, мерлыко политикая но ветеранъёслэн ужпумъёссыя ялан ужась комисссилэсь кенешонзэ ортчытӥз. Депутатъёс калыклы мерлыко утет сётон сярысь катэ ӵектэм воштонъёсты эскеризы.
Удмуртиысь мерлыко политикая но ужъя министрлэн воштӥсез Ольга Микрюкова валэктӥз, воштонъёс арлыдо но сӧсыр муртъёсты учкон-утёнэн герӟаськемын шуыса. Катэ сыӵе адямиослы приёмной семья кылдытон сярысь нимысьтыз ёзэт ватсаны ӵекто.
«Элькунамы, быдэс Россиын сямен ик, мӧйы муртъёслэн лыдзы йылэ. Тросгес луо палэнысь юрттэтэк улыны шугъяськись адямиос. Уноез соос пӧлысь огназы кылемын. Сыӵе муртъёслы приёмной семья зэмос утет луыны быгатоз - улон ӟечлыксэс ӝутоз, тазалыксэс возьыны, мылкыдзэс умоятыны юрттоз, оскон сётоз», - шуиз Ольга Микрюкова.
Солэн верамезъя, таӵе ужрад арлыдоослэн но сӧсыръёслэн Элькун интернат-юртазы черодэз но кулэстоз. Нош арлыдо муртэз учкись но сое дораз возись адями толэзьлы быдэ коньдон тырон басьтоз.
Со сяна, катӵектосэ нылпи ваёно ужасьтэм нылкышноослы но 3-сен 7 аресозь пиналъёслы пособиос юнматон понна куронъёсъя воштӥськонъёс пыртэмын. Комиссиысь депутатъёс ӵектонъёсты умоен лыдъязы но соосты Кун Кенешлэн матысь сессияз поттыны дэмлазы.
Депутатъёс озьы ик пӧртэм ожмаськонъёсысь инвалидъёслы но радиаци авариосты но шимучыръёсты утялтонэ пыриськем муртъёслы вытъёслы вычетъёслэсь быдӟалазэс будэтонъя катӵектосэз эскеризы. Соя та категорие пырись муртъёслэн выт тырон улэ сюрисьтэм табышъёссылэн люкетсы 10 сюрс манетозь ӝутэмын луоз. Али со 3 сюрс манет. Вычетлэн быдӟалаез 2000 арысен ӧз вошъяськылы.
Алексей Чернов пусйиз, та катӵектос понна Удмуртиысь Союз «Чернобыль» огазеяськонлэн кивалтӥсез Семён Сармакеев дурбасьтэ шуыса. Комиссилэн ёзчиосыз катӵектосэз умоен лыдъязы. Сое озьы ик коньывуонэ ортчоно сессилэн ужанрадаз пыртыны дэмлалозы.
Удмуртиысь мерлыко политикая но ужъя министрлэн воштӥсез Ольга Микрюкова валэктӥз, воштонъёс арлыдо но сӧсыр муртъёсты учкон-утёнэн герӟаськемын шуыса. Катэ сыӵе адямиослы приёмной семья кылдытон сярысь нимысьтыз ёзэт ватсаны ӵекто.
«Элькунамы, быдэс Россиын сямен ик, мӧйы муртъёслэн лыдзы йылэ. Тросгес луо палэнысь юрттэтэк улыны шугъяськись адямиос. Уноез соос пӧлысь огназы кылемын. Сыӵе муртъёслы приёмной семья зэмос утет луыны быгатоз - улон ӟечлыксэс ӝутоз, тазалыксэс возьыны, мылкыдзэс умоятыны юрттоз, оскон сётоз», - шуиз Ольга Микрюкова.
Солэн верамезъя, таӵе ужрад арлыдоослэн но сӧсыръёслэн Элькун интернат-юртазы черодэз но кулэстоз. Нош арлыдо муртэз учкись но сое дораз возись адями толэзьлы быдэ коньдон тырон басьтоз.
Со сяна, катӵектосэ нылпи ваёно ужасьтэм нылкышноослы но 3-сен 7 аресозь пиналъёслы пособиос юнматон понна куронъёсъя воштӥськонъёс пыртэмын. Комиссиысь депутатъёс ӵектонъёсты умоен лыдъязы но соосты Кун Кенешлэн матысь сессияз поттыны дэмлазы.
Депутатъёс озьы ик пӧртэм ожмаськонъёсысь инвалидъёслы но радиаци авариосты но шимучыръёсты утялтонэ пыриськем муртъёслы вытъёслы вычетъёслэсь быдӟалазэс будэтонъя катӵектосэз эскеризы. Соя та категорие пырись муртъёслэн выт тырон улэ сюрисьтэм табышъёссылэн люкетсы 10 сюрс манетозь ӝутэмын луоз. Али со 3 сюрс манет. Вычетлэн быдӟалаез 2000 арысен ӧз вошъяськылы.
Алексей Чернов пусйиз, та катӵектос понна Удмуртиысь Союз «Чернобыль» огазеяськонлэн кивалтӥсез Семён Сармакеев дурбасьтэ шуыса. Комиссилэн ёзчиосыз катӵектосэз умоен лыдъязы. Сое озьы ик коньывуонэ ортчоно сессилэн ужанрадаз пыртыны дэмлалозы.