Владимир Невоструев Удмуртиысь машина лэсьтон удысын ужасьёсты ӧнер праздникенызы ӟечкылаз

Куарусён толэзьлэн берпуметӥ арня нуналаз асьсэлэсь ӧнер праздниксэс пусъё Россиысь машина лэсьтон удысын ужасьёс. Туэ со 26 куарусёнлы тупа. Ӧнер нуналэнызы удысын ужасьёсты но ветеранъёсты ӟечкылаз Кун Кенешлэн Тӧроез Владимир Невоструев.
«Машина лэсьтон удысын ужасьлэн нуналэз элькунмы понна одӥгез тужгес даноез праздник. Машина лэсьтон Удмуртиысь вань промышленностьлэн инъетэз луэ.
Удмуртия данъяське промышленной предприятиосын тыршись вылӥ быгатонлыко ужасьёсыныз. Асьме инженеръёс но огшоры ужасьёс пӧртэм продукция потто – огшоры улонын кулэ луись вузъёс но, ожгар ужлы кулэ луись тӥрлык но.
Та праздник нуналэ удысысь вань ветеранъёслы но али ужасьёслы юн тазалык, байлык но выль вормонъёс сӥзӥсько!», - шуэмын ӟечкылан гожтэтын.