Удмуртиысь муниципал округъёсысь депутат кенешъёслэн нырысетӥ сессиоссы ортчыло
24.09.2021
Туннэ Кун Кенешлэн Тӧроез Владимир Невоструев Глазов муниципал округысь депутат кенешлэн нырысетӥ сессиезлэн ужаз пыриськиз. Элькун парламентлэн спикерез депутатъёсты бырйиськеменызы ӟечкылаз, соослы ёросэз азинтон понна умой ужаны сӥзиз.
Нырысетӥ кенешонын эскероно одӥгез валтӥсез ужпум – округысь депутат кенешлы тӧроез быръён. Лушкем куара сётон пыр выль кивалтӥсе огкылысь юнматэмын «Единая Россия» фракцилэн ӵектэм кандидатэз Сергей Буров. Татчыозь со «Кожильское» гурт поселенилэн тӧроез луыса ужаз.
Владимир Невоструев оскытӥз, Кун Кенеш округысь депутат кенешлы ужзэ пайдалыко радъяны юрттэт сётоз шуыса. «Муниципал округлэн кенешез – выль огазеяськон. Солэн нормативной инъетэз бордын ужано на. Со ужез ӵош нуом, выль быръем депутатъёсын пумиськонъёс ортчытъялом, дышетсконъёс радъялом», - пусйиз Владимир Невоструев.
Будэтом на – туннэ эшшо 7 муниципал округъёсысь кенешъёслэн нырысетӥ сессиоссы ортчизы на. Со - «Алнаш ёрос», «Дэри ёрос», «Дэбес ёрос», «Кизнер ёрос», «Селта ёрос», «Красногорск ёрос», «Ува ёрос». 23 куарусёнэ нырысетӥ сессиез вал Можга округысь депутат кенешлэн. Отын кенешлы тӧрое выльысь быръемын Галина Королькова.
Ёросъёсысь муниципал кылдытэтъёсты огазеянэз чаклась 25 катъёсты Кун Кенеш юнматӥз туэ южтолэзе. Котькуд ёросын округ кылдытон сярысь кат кутэмын улӥсьёслэн мылкыд каремзыя. Воштӥськонъёс интыосысь ужпумъёсты вакчигес дыр куспын сэрттыны-пертчыны, округъёслэн кивалтӥсьёссылэсь кылкутонзэс будэтыны юрттозы.
Нырысетӥ кенешонын эскероно одӥгез валтӥсез ужпум – округысь депутат кенешлы тӧроез быръён. Лушкем куара сётон пыр выль кивалтӥсе огкылысь юнматэмын «Единая Россия» фракцилэн ӵектэм кандидатэз Сергей Буров. Татчыозь со «Кожильское» гурт поселенилэн тӧроез луыса ужаз.
Владимир Невоструев оскытӥз, Кун Кенеш округысь депутат кенешлы ужзэ пайдалыко радъяны юрттэт сётоз шуыса. «Муниципал округлэн кенешез – выль огазеяськон. Солэн нормативной инъетэз бордын ужано на. Со ужез ӵош нуом, выль быръем депутатъёсын пумиськонъёс ортчытъялом, дышетсконъёс радъялом», - пусйиз Владимир Невоструев.
Будэтом на – туннэ эшшо 7 муниципал округъёсысь кенешъёслэн нырысетӥ сессиоссы ортчизы на. Со - «Алнаш ёрос», «Дэри ёрос», «Дэбес ёрос», «Кизнер ёрос», «Селта ёрос», «Красногорск ёрос», «Ува ёрос». 23 куарусёнэ нырысетӥ сессиез вал Можга округысь депутат кенешлэн. Отын кенешлы тӧрое выльысь быръемын Галина Королькова.
Ёросъёсысь муниципал кылдытэтъёсты огазеянэз чаклась 25 катъёсты Кун Кенеш юнматӥз туэ южтолэзе. Котькуд ёросын округ кылдытон сярысь кат кутэмын улӥсьёслэн мылкыд каремзыя. Воштӥськонъёс интыосысь ужпумъёсты вакчигес дыр куспын сэрттыны-пертчыны, округъёслэн кивалтӥсьёссылэсь кылкутонзэс будэтыны юрттозы.