Владимир Невоструев Ижкарлэсь экономика но мерлык удысъёссэ 2020 арын азинтон ужпумъёслы сӥзем кенешонэ пыриськиз
02.04.2021
Туннэ Ижкар администрациын карлэсь экономика но мерлык удысъёссэ 2020 арын азинтонъя йылпумъянъёс лэсьтонлы но 2021 арлы ужпумъёсты пусъёнлы сӥзем кенешон ортчиз.
Кенешонэ пыриськизы Элькунлэн Тӧроез Александр Бречалов, Кун Кенешлэн Тӧроез Владимир Невоструев, Росси Кун Думаысь, Ижкар Думаысь депутатъёс, предприятиослэн но огазеяськонъёслэн кивалтӥсьёссы.
Ижкарлэн Тӧроез Олег Бекмеметьев пусйиз, али Удмуртилэн шоркараз 646,5 сюрс адями улэ шуыса. 2020 арын, экономикая огъя шуг-секытъёс шоры учкытэк, промышленность удысысь предприятиосын калыкез ужысь тросэн мозмытонъёс ӧй вал, уждунлэн быдӟалаез ӧз усьы.
Пандемия аре муниципалитет пичи но шоръёзо бизнеслы юрттӥськиз: троссэ тыронъёсты яке берлолы кельтӥзы, яке соослэсь мозмытӥзы, висъяськизы субсидиос.
Нимаз муртъёслэн табышсылы вытъёс муниципал бюджетэ чакламлэсь ӧжытгес вуизы, но 2019 арын сярысь соос 177 млн манетлы уногес люкаськизы. Ыштонъёсты берыктыны юрттӥзы азьвыл пунэмъёсын ужан но коньдонъя югдурез тупатонъя ортчытэм ужрадъёс.
Олег Бекмеметьевлэн верамезъя, али пайдалыко муниципалитетэз кылдытонъя уж азьланьтӥське – кулэстӥське муниципал служащийёслэн но Администрациысь ёзъёслэн лыдзы. Та но мукет ужрадъёс чотын 110 млн манетэз шыръяны луиз.
Ижкарын азьланьтӥське выль улон интыосты, мерлыко ужъюртъёсты лэсьтон, тупатъясько азбаръёс но урамъёс. 2020 арын «Жилье и городская среда» йӧскалык проектъя трос калыклы чаклам 15 выль интыос кылдӥзы. Туэ «Заречный», «Школьный» скверъёс, нылпи творчествоя Дворец дорысь интывыл, Шор площадьлэн эшшо одӥг люкетэз выльдэмын луозы. Соин ӵош «Тишино» но «Кызьпу арама» паркъёслэн ӵектосъёссы лэсьтӥсько. Та проектъя ик куашкан калэ вуэм юртъёсысь 130 семья выль улон интыосы выжтэмын. Туэ эшшо 153 семьялы выль патеръёс сётыны кулэ.
«Кышкыттэмлыко но ӟечлыко сюресъёс» проектъя кылем арын 23 сюресъёс тупатъямын, «Львёнок» 16 выль трамвай вагонъёс басьтэмын.
Туэ пыдын ветлон 63 сюресъёс вылын тупатъян ужъёс чакламын.
Азьланьтӥське ву гумыосты вошъян, вуэз чылкытатон сооружениосты выльдон уж.
Ижкар Думалэн Тӧроез Фарит Губаев муниципал парламентлэн миым ужамезлы йылпумъянъёс лэсьтӥз, депутатъёслэн #ПоддЕРжка но #МедПоддЕРжка проектъёсы, «Счётчик наказов» ӵектосэ, инициативной бюджетирования программае пыриськемзы сярысь вераз.
Кенешонэ пыриськизы Элькунлэн Тӧроез Александр Бречалов, Кун Кенешлэн Тӧроез Владимир Невоструев, Росси Кун Думаысь, Ижкар Думаысь депутатъёс, предприятиослэн но огазеяськонъёслэн кивалтӥсьёссы.
Ижкарлэн Тӧроез Олег Бекмеметьев пусйиз, али Удмуртилэн шоркараз 646,5 сюрс адями улэ шуыса. 2020 арын, экономикая огъя шуг-секытъёс шоры учкытэк, промышленность удысысь предприятиосын калыкез ужысь тросэн мозмытонъёс ӧй вал, уждунлэн быдӟалаез ӧз усьы.
Пандемия аре муниципалитет пичи но шоръёзо бизнеслы юрттӥськиз: троссэ тыронъёсты яке берлолы кельтӥзы, яке соослэсь мозмытӥзы, висъяськизы субсидиос.
Нимаз муртъёслэн табышсылы вытъёс муниципал бюджетэ чакламлэсь ӧжытгес вуизы, но 2019 арын сярысь соос 177 млн манетлы уногес люкаськизы. Ыштонъёсты берыктыны юрттӥзы азьвыл пунэмъёсын ужан но коньдонъя югдурез тупатонъя ортчытэм ужрадъёс.
Олег Бекмеметьевлэн верамезъя, али пайдалыко муниципалитетэз кылдытонъя уж азьланьтӥське – кулэстӥське муниципал служащийёслэн но Администрациысь ёзъёслэн лыдзы. Та но мукет ужрадъёс чотын 110 млн манетэз шыръяны луиз.
Ижкарын азьланьтӥське выль улон интыосты, мерлыко ужъюртъёсты лэсьтон, тупатъясько азбаръёс но урамъёс. 2020 арын «Жилье и городская среда» йӧскалык проектъя трос калыклы чаклам 15 выль интыос кылдӥзы. Туэ «Заречный», «Школьный» скверъёс, нылпи творчествоя Дворец дорысь интывыл, Шор площадьлэн эшшо одӥг люкетэз выльдэмын луозы. Соин ӵош «Тишино» но «Кызьпу арама» паркъёслэн ӵектосъёссы лэсьтӥсько. Та проектъя ик куашкан калэ вуэм юртъёсысь 130 семья выль улон интыосы выжтэмын. Туэ эшшо 153 семьялы выль патеръёс сётыны кулэ.
«Кышкыттэмлыко но ӟечлыко сюресъёс» проектъя кылем арын 23 сюресъёс тупатъямын, «Львёнок» 16 выль трамвай вагонъёс басьтэмын.
Туэ пыдын ветлон 63 сюресъёс вылын тупатъян ужъёс чакламын.
Азьланьтӥське ву гумыосты вошъян, вуэз чылкытатон сооружениосты выльдон уж.
Ижкар Думалэн Тӧроез Фарит Губаев муниципал парламентлэн миым ужамезлы йылпумъянъёс лэсьтӥз, депутатъёслэн #ПоддЕРжка но #МедПоддЕРжка проектъёсы, «Счётчик наказов» ӵектосэ, инициативной бюджетирования программае пыриськемзы сярысь вераз.