Кун Кенешлэн куамын одӥгетӥ сессиезлэн нырысетӥ кенешоназ юнматэм куд-ог катъёс но пуктэтъёс сярысь
30.03.2021
Туннэ Удмуртиысь Кун Кенешлэн куамын одӥгетӥ сессиез усьтӥськиз. Солэн ужаз Удмуртилэн Росси Кун Думаысь депутатъёсыз – Андрей Исаев, Алексей Загребин, Валерий Бузилов – пыриськизы. Парламентарийёс 33 ужпумез сэрттӥзы-пертчизы, 25-ез со – элькун катъёслэн ӵектосъёссы.
Юнматэмын бюджет сярысь катэ воштонъёс. Коньдэтлэсь табыш люкетсэ 955 млн манетлы будэтӥзы, уже кутон люкетсэ - 4 млрд манетлы. Ватсаса вуэм уксёлэн оглюкетэз адямиослэсь улон ӟечлыксэс ӝутон но тазалыксэс юнматон ужрадъёслы мыноз - дунтэм дунъёсъя эмъюмъёслы, секыт висисьёслы юрттэтлы, ёрмыса улӥсь семьяосысь нылпиослы йӧл суретъёслы. Йылэтэмын агропром огъетлы но лэсьтӥськон удыслы юрттэт.
Воштонъёсты лыдэ басьтыса, Удмурт Элькунлэн 2021 арлы бюджетэзлэн табыш люкетэз 86,7 млрд манет луиз, уже кутон люкетэз – 90,4 млрд манет.
Дефицитлэн быдӟалаез – 3,7 млрд манет.
Юнматэмын выт тыронъя капчиятонъёс. Соос али пусйиськем но выт тыронъя капчиятэм но патент амалэн ужась ужбергатӥсьёсты 2 арлы выт тыронлэсь мозмыто. Кызьы валэктӥз бюджетъя комиссилэн кивалтӥсез Владимир Паршин, выль кат таӵе капчиятон улэ сюрись ужбергатон ӧръёсты паськытатэ. Соос пӧлы пыртэмын пызь но кеньыр поттон, пудо-животъёсты возёнъя, бакчаосты гыронъя, пу вандонъя юрттӥськетъёс сётон, шудонъёсты, спорт тӥрлыкез лэсьтон-тупатъян но мукет удысъёс.
Сессиын кутэм кӧняез ке катъёс анай-атайтэк но соослэн чакламзытэк кылем пиналъёсын ужан сӧзнэтэ воштонъёс пырто. Табере таӵе муртъёслы улон инты висъян, коньдон юрттэт тырон но мукет уж быдэсак элькун тӧрлык ёзъёс доры выже. Элькунамы али ужась 10 нылпи юртъёсты, 7 реабилитаци центръёсты но 2 интернат юртъёсты одӥг элькун реабилитаци центре огазеялозы, нош ёросъёсысь опекая но попечительствоя ёзъёсты мерлыко политикая но ужъя министерствоысь огъя управление выжтозы. Выль сӧзнэт ужаны кутскыны кулэ ини туэ куарусён толэзьысен.
Депутатъёс кылзӥзы Удмурт Элькунысь нылпиослэсь но ужбергатӥсьёслэсь эрикрадъёссэс утёнъя Уполномоченнойёслэсь 2020 арын ужамзы сярысь ивортонъёссэс.
Куамын одӥгетӥ сессилэн кыкетӥ кенешонэз усьтӥськоз 6 оштолэзе 10.00 часын. Солэн ужанрадаз - «Удмурт Элькун Кивалтэтлэн 2020 арын ужамезлы йылпумъянъёс сярысь» ивортон. Депутатъёс азьын сое шараялоз Элькунлэн Тӧроез Александр Бречалов.
Юнматэмын бюджет сярысь катэ воштонъёс. Коньдэтлэсь табыш люкетсэ 955 млн манетлы будэтӥзы, уже кутон люкетсэ - 4 млрд манетлы. Ватсаса вуэм уксёлэн оглюкетэз адямиослэсь улон ӟечлыксэс ӝутон но тазалыксэс юнматон ужрадъёслы мыноз - дунтэм дунъёсъя эмъюмъёслы, секыт висисьёслы юрттэтлы, ёрмыса улӥсь семьяосысь нылпиослы йӧл суретъёслы. Йылэтэмын агропром огъетлы но лэсьтӥськон удыслы юрттэт.
Воштонъёсты лыдэ басьтыса, Удмурт Элькунлэн 2021 арлы бюджетэзлэн табыш люкетэз 86,7 млрд манет луиз, уже кутон люкетэз – 90,4 млрд манет.
Дефицитлэн быдӟалаез – 3,7 млрд манет.
Юнматэмын выт тыронъя капчиятонъёс. Соос али пусйиськем но выт тыронъя капчиятэм но патент амалэн ужась ужбергатӥсьёсты 2 арлы выт тыронлэсь мозмыто. Кызьы валэктӥз бюджетъя комиссилэн кивалтӥсез Владимир Паршин, выль кат таӵе капчиятон улэ сюрись ужбергатон ӧръёсты паськытатэ. Соос пӧлы пыртэмын пызь но кеньыр поттон, пудо-животъёсты возёнъя, бакчаосты гыронъя, пу вандонъя юрттӥськетъёс сётон, шудонъёсты, спорт тӥрлыкез лэсьтон-тупатъян но мукет удысъёс.
Сессиын кутэм кӧняез ке катъёс анай-атайтэк но соослэн чакламзытэк кылем пиналъёсын ужан сӧзнэтэ воштонъёс пырто. Табере таӵе муртъёслы улон инты висъян, коньдон юрттэт тырон но мукет уж быдэсак элькун тӧрлык ёзъёс доры выже. Элькунамы али ужась 10 нылпи юртъёсты, 7 реабилитаци центръёсты но 2 интернат юртъёсты одӥг элькун реабилитаци центре огазеялозы, нош ёросъёсысь опекая но попечительствоя ёзъёсты мерлыко политикая но ужъя министерствоысь огъя управление выжтозы. Выль сӧзнэт ужаны кутскыны кулэ ини туэ куарусён толэзьысен.
Депутатъёс кылзӥзы Удмурт Элькунысь нылпиослэсь но ужбергатӥсьёслэсь эрикрадъёссэс утёнъя Уполномоченнойёслэсь 2020 арын ужамзы сярысь ивортонъёссэс.
Куамын одӥгетӥ сессилэн кыкетӥ кенешонэз усьтӥськоз 6 оштолэзе 10.00 часын. Солэн ужанрадаз - «Удмурт Элькун Кивалтэтлэн 2020 арын ужамезлы йылпумъянъёс сярысь» ивортон. Депутатъёс азьын сое шараялоз Элькунлэн Тӧроез Александр Бречалов.