Кун Кенешлэн куамын одӥгетӥ сессияз 25 катӵектосъёсты эскерозы

Туннэ Кун Кенешлэн Тӧроез Владимир Невоструев Президиумлэсь кенешонзэ ортчытӥз. Депутатъёс куамын одӥгетӥ сессилэн ужанрадаз 24 ужпум ватсазы. Оглом сессиын 33 ужпум сэрттыны-пертчыны чакламын, 25-ез со – элькун катъёслэн ӵектосъёссы.
Депутатъёс элькунлэн та арлы бюджетаз воштонъёсты, выт тыронъя капчиятонъёсты эскерозы. Воштонъёс пыртыны чакламын муш вордонъя элькун катэ. Озьы ик шаерамы кӧня ке муниципал округъёс кылдытон сярысь катъёс кутэмын луыны быгатозы.
Со сяна, Удмуртиысь ужбергатӥсьёслэсь но нылпиослэсь эрикрадъёссэс утись Уполномоченнойёслэн 2020 арын ужамзы сярысь ивортонъёсты кылзозы.