Кун Кенешысь депутат Михаил Лебедев Россиысь фермер огазеяськонъёслэн но гурт кооперативъёслэн Ассоциацизылэн Президиумезлэн ёзчиез луиз
24.02.2021
Кун Кенешысь депутат, Удмуртиысь крестьян но фермер возёсъёслэн, кооперативъёслэн но нимаз гурт кузёослэн огазеяськонзылэн кивалтӥсез Михаил Лебедев Россиысь фермер огазеяськонъёслэн но гурт кооперативъёслэн Ассоциацизылэн Президиумаз быръемын. Ассоциацилэн ХХХII Ӧтчамез ортчиз Москваын Атыкай музъемез утисьлэн нуналэз азьын. Солэн ужаз пыриськизы Россилэн 70 улосвылъёсысьтыз фермер возёсъёслэн кивалтӥсьёссы, Россиысь гурт возёсъя Министерствоын ужасьёс, улосвылъёслэн но кун компаниослэн кивалтӥсьёссы.
Удмуртиысь ӧтчаме вить делегат ветлӥз – гурт возёсъя министерствоын, «Россельхозбанклэн» Удмуртиысь ёзаз ужасьёс но куинь крестьян возёсъёслэн кивалтӥсьёссы. Делегатъёс 2020 арын ужамзылы йылпумъянъёс лэсьтӥзы но азьланезлы ужпумъёс пуктӥзы.
Кызьы вераз АККОР-лэн кивалтӥсез Владимир Плотников, кылем арын Россиысь фермеръёс 40 миллион тонна пала ю-нянь басьтӥзы. Со - одӥгез бадӟымез лыдпус. Арысь аре фермеръёслэн гуртын поттэм огъя ваньбурын люкетсы будэ. Но вань шуг-секытъёс но. Ялан вошъясько кун юрттэт басьтонъя куронъёс, могӟетъёс кылдо поттэм ваньбурез вузанын, йылэ продукцилэн асдуныз. Соин валче крестьян но фермер огазеяськонъёслэн лыдзы кунамы кулэсме.
Ӧтчамын фермеръёс югдурез воштонъя асьсэлэсь ӵектонъёссэс веразы, грантъёслы конкурсъёсы пыриськыны луонлыкъёс, сиён-юонлы но коммунальной юрттӥськетъёслы дунъёслэн кылдэмзы, поттэм ваньбурез кунгож сьӧры вузан сярысь кенешизы. Чузъяськем ӵектонъёс съездлэн резолюцияз пыризы.
Агропром удысэз азинтон понна трос лэсьтэмез но гурт удысын кема аръёс ӵоже ужамез понна Михаил Лебедев Россиысь гурт возёсъя Министерстволэн Тау каронэныз пусъемын. Со сяна, делегатъёс сое АККОР-лэн Президиумаз бырйизы.
Удмуртиысь ӧтчаме вить делегат ветлӥз – гурт возёсъя министерствоын, «Россельхозбанклэн» Удмуртиысь ёзаз ужасьёс но куинь крестьян возёсъёслэн кивалтӥсьёссы. Делегатъёс 2020 арын ужамзылы йылпумъянъёс лэсьтӥзы но азьланезлы ужпумъёс пуктӥзы.
Кызьы вераз АККОР-лэн кивалтӥсез Владимир Плотников, кылем арын Россиысь фермеръёс 40 миллион тонна пала ю-нянь басьтӥзы. Со - одӥгез бадӟымез лыдпус. Арысь аре фермеръёслэн гуртын поттэм огъя ваньбурын люкетсы будэ. Но вань шуг-секытъёс но. Ялан вошъясько кун юрттэт басьтонъя куронъёс, могӟетъёс кылдо поттэм ваньбурез вузанын, йылэ продукцилэн асдуныз. Соин валче крестьян но фермер огазеяськонъёслэн лыдзы кунамы кулэсме.
Ӧтчамын фермеръёс югдурез воштонъя асьсэлэсь ӵектонъёссэс веразы, грантъёслы конкурсъёсы пыриськыны луонлыкъёс, сиён-юонлы но коммунальной юрттӥськетъёслы дунъёслэн кылдэмзы, поттэм ваньбурез кунгож сьӧры вузан сярысь кенешизы. Чузъяськем ӵектонъёс съездлэн резолюцияз пыризы.
Агропром удысэз азинтон понна трос лэсьтэмез но гурт удысын кема аръёс ӵоже ужамез понна Михаил Лебедев Россиысь гурт возёсъя Министерстволэн Тау каронэныз пусъемын. Со сяна, делегатъёс сое АККОР-лэн Президиумаз бырйизы.