Эскеризы пудо-животэз возёнэн герӟаськем лэчыт ужпумъёсты
18.02.2021
Агропром огъетъя, музъем кусыпъёсъя, инкуазез уже кутонъя но утёнъя ялан ужась ӧрилэн кивалтӥсез Владимир Варламов пудо-животэз возёнэн герӟаськем лэчыт ужпумъёслы сӥзем кенешон ортчытӥз. Вераськонэ пыриськизы Удмурт Элькунысь ветеринарияя Валтӥсь управленилэн кивалтӥсез Роман Габрахманов, ведомствоысь ужасьёс, Кун Кенешлэн Аппаратысьтыз ӧнерчиос.
Валтӥсь юан – пудо-животэз трос квартираё коркаосын вордон. Владимир Варламовлэн верамезъя, депутатъёслы ӝожтӥськонъёс вуо трос квартираё юртын пудо-животъёсты тросэн возисьёс вылэ. Ӵемысь соос ветеринарияя но санитарияя куронъёсты тӥяло. Бускельёслы шуг-секытъёс кылдытэм сяна, со пӧртэм висёнъёслы аляны луонлык сётэ.
Ужпумез пӧртэм интыосын эскеризы ини, но кыӵе ке пумкылъян кутэмын ӧвӧл. Кенешонэ пыриськисьёс огкылэ вуизы, югдурез тупатон понна пуныосты, коӵышъёсты но мукет пудо-животэз дорын возён сярысь нимысьтыз ужкагаз кутыны кулэ шуыса. Отын адямиосты но, пудо-животэз но кышкытлыкъёслэсь утён понна кулэ луись ужрадъёс пусъемын луыны кулэ. Ветеринарияя Валтӥсь управленилы матысь дыре ужкагазлэсь ӵектоссэ дасяны дэмламын.
Кенешонын озьы ик пудо-животэн ужанъя федерал катэз шаерамы быдэсъянэн герӟаськем ужпумъёсты эскеризы. Законъя, кузётэм пудоез кутыны, приютэ интыяса, сузяны, вакцинировать карыны но азьвыл интыяз ик берыктыны кулэ. Но улон возьматэ, катлэсь куд-ог куронъёссэ тупатъяны кулэ шуыса. Кылсярысь, пусъёно, кӧня дыр ӵоже пудо-животэз приютын возёно, кыӵе дыръя сое азьвыл улон интыяз лэзьыны уг яра ини. Угось, азьвыл интыяз – урамъёсы но азбаръёсы - берыктэм лек пудо-живот адямиос понна кышкытлык кылдытэ. Ачиз но со кышкытлык улэ сюре – нош ик сютэм но кырсь улонэ выже.
Озьы ик шугъяськонъёс кылдо приютъёс тырмымтэен. Роман Габрахмановлэн верамезъя, Удмуртиын 2023 арозь 5 приют усьтӥськыны кулэ. Соос интыяськозы Иж, Сарапул, Глазов, Можга но Вотка каръёсын.
Люкаськемъёс пусйизы, федерал катэз быдэсъянэн герӟаськем ужпумъёс пӧртэм улосвылъёсысь каткылдытъясьёсын ӝутъямын ини. 15 улосвылъёсын кузётэм пудо-животэн ужанъя асьсэлэн катъёссы кутэмын. Владимир Варламовлэн верамезъя, ужпумез рос-прос эскероно но росси законэ пыртыны воштонъёс дасяно.
Валтӥсь юан – пудо-животэз трос квартираё коркаосын вордон. Владимир Варламовлэн верамезъя, депутатъёслы ӝожтӥськонъёс вуо трос квартираё юртын пудо-животъёсты тросэн возисьёс вылэ. Ӵемысь соос ветеринарияя но санитарияя куронъёсты тӥяло. Бускельёслы шуг-секытъёс кылдытэм сяна, со пӧртэм висёнъёслы аляны луонлык сётэ.
Ужпумез пӧртэм интыосын эскеризы ини, но кыӵе ке пумкылъян кутэмын ӧвӧл. Кенешонэ пыриськисьёс огкылэ вуизы, югдурез тупатон понна пуныосты, коӵышъёсты но мукет пудо-животэз дорын возён сярысь нимысьтыз ужкагаз кутыны кулэ шуыса. Отын адямиосты но, пудо-животэз но кышкытлыкъёслэсь утён понна кулэ луись ужрадъёс пусъемын луыны кулэ. Ветеринарияя Валтӥсь управленилы матысь дыре ужкагазлэсь ӵектоссэ дасяны дэмламын.
Кенешонын озьы ик пудо-животэн ужанъя федерал катэз шаерамы быдэсъянэн герӟаськем ужпумъёсты эскеризы. Законъя, кузётэм пудоез кутыны, приютэ интыяса, сузяны, вакцинировать карыны но азьвыл интыяз ик берыктыны кулэ. Но улон возьматэ, катлэсь куд-ог куронъёссэ тупатъяны кулэ шуыса. Кылсярысь, пусъёно, кӧня дыр ӵоже пудо-животэз приютын возёно, кыӵе дыръя сое азьвыл улон интыяз лэзьыны уг яра ини. Угось, азьвыл интыяз – урамъёсы но азбаръёсы - берыктэм лек пудо-живот адямиос понна кышкытлык кылдытэ. Ачиз но со кышкытлык улэ сюре – нош ик сютэм но кырсь улонэ выже.
Озьы ик шугъяськонъёс кылдо приютъёс тырмымтэен. Роман Габрахмановлэн верамезъя, Удмуртиын 2023 арозь 5 приют усьтӥськыны кулэ. Соос интыяськозы Иж, Сарапул, Глазов, Можга но Вотка каръёсын.
Люкаськемъёс пусйизы, федерал катэз быдэсъянэн герӟаськем ужпумъёс пӧртэм улосвылъёсысь каткылдытъясьёсын ӝутъямын ини. 15 улосвылъёсын кузётэм пудо-животэн ужанъя асьсэлэн катъёссы кутэмын. Владимир Варламовлэн верамезъя, ужпумез рос-прос эскероно но росси законэ пыртыны воштонъёс дасяно.