Версия для слабовидящих
Элькунлэн 2021 но вуоно аръёслы чаклам бюджетаз воштонъёс чакламын

Элькунлэн 2021 но вуоно аръёслы чаклам бюджетаз воштонъёс чакламын

12.02.2021
Бюджетъя, вытъёсъя но коньдон ужпумъёсъя ялан ужась ӧриысь депутатъёс Удмуртилэн 2021 но вуоно аръёслы чаклам бюджетаз пыртыны ӵектэм воштонъёсты эскеризы.
Кызьы вераз коньдон ужпумъёсъя министрлэсь ужзэ быдэсъясь Вера Сухих, тупатъянъёс федерал коньдон вуэмен но, элькунлэн ас табышъёсыз но йылэмен герӟаськемын.
Коньдэтлэсь табыш люкетсэ 9 млрд 258 млн манетлы йылэтыны чакламын. 7 млрд 501 млн манетэз со – огазеяськонъёслэн прибыльзылы ватсаса вуись вытъёс, 1 млрд 757 млн манетэз – федерал коньдон.
Уже кутон люкетэ 9 млрд 548 млн манет тыр воштонъёс пыртыны ӵекто. 5 млрд 63 млн манетэз со эмъюртъёслы, коронавирус инфекциез алон но соин нюръяськон ужрадъёслы чакламын. 150 миллион манет муниципал бюджетъёслы юрттэтлы учкемын, 172 миллион манет - эмъяськонниосты лэсьтон-тупатъян но соосты тӥрлыкен тырмытон ужъёслы. 27 миллион манет чакламтэ жуг-жаг куян интыосты сузяны кутӥськоз.
Воштонъёсты лыдэ басьтыса, 2021 арлы бюджетлэн табыш люкетэз 85 млрд 757 млн манет луоз, уже кутон люкетэз - 86 млрд 278 млн манет. Дефицитлэн быдӟалаез - 521 млн манет.
Ялан ужась комиссиысь депутатъёс катӵектосэз умоен лыдъязы но сое сессиын эскерыны дэмлазы.



Возврат к списку