Агропром огъетъя, музъем кусыпъёсъя, инкуазез утёнъя но уже кутонъя ялан ужась ӧрилэн кенешонэз ортчиз
04.02.2021Владимир Варламон видеконференция амалэн агропром огъетъя, музъем кусыпъёсъя, инкуазез утёнъя но уже кутонъя ялан ужась комиссилэсь кенешонзэ ортчытӥз. Депутатъёс Россельхознадзорлэн Киров улосвылъя но Удмурт Элькунъя Управлениезлэн 2020 арын ужамезлы дунъет сётӥзы, азьланезлы пуктэм ужпумъёсты эскеризы.
Кызьы вераз управленилэн кивалтӥсезлэн воштӥсез Юрий Волков, ведомство азьын сылӥсь валтӥсь ужпумъёс – адямиослэсь улонзэс но тазалыксэс утён, ветеринария, фитосанитария удысэн но музъемен герӟаськем катрадлыклэсь быдэсъяськемзэ эскерон.
Пӧйшуръёс но пудо-живот пӧлын вӧлмись висёнъёсъя югдур Удмурт Элькунын али умой. Нимысьтыз саклык висъяське урмонэн но парсьёслэн африкан чума висёнэнынызы нюръяськон ужъёслы. 2020 арын парсь но тылобурдо вордӥсь, сӥль вузась огазеяськонъёсты но нимаз ужасьёсты та ласянь ялан чакласа возизы.
Миым элькунысь 4 предприятиос продукцизэс кунгож сьӧры келяны кутскизы. Удмуртиысь предприятиос Китае - йӧл, Монголие - сӥль, Швейцарие – чечы, Азербайджанэ – комбикорм вузазы. Россельхонадзорысь ӧнерчиос та продукцилэсь ӟечлыксэ но кышкыттэмлыко луэмзэ чакласа возё.
Ваньзэ-ӧвӧлзэ Таможенной союзлэн реестраз али Удмуртиысь 11 предприятие пыре. Со – йӧллэсь но сӥльлэсь сиён-юон поттӥсь огазеяськонъёс. 2021 арлэн кутсконысеныз ини Удмуртиысь 8 тонналэсь ятыр йӧл продукция США-е келямын. 60 тонна пала сӥль продукция Монголие вузамын. Со сяна, элькунмы ӟеч выжыё пудолэсь генетика материалзэ кунгож сьӧры вузаны быгатэ. Сыӵе луонлык басьтӥз «Можгаплем» огазеяськон.
Управлениысь ужасьёс озьы ик зол чакласа возё фитосанитарияя куронъёслэсь быдэсъяськемзэс. Кидысъёсын но будосъёслэн удъёсынызы вузкарон вакытэ 41 рейд ортчытэмын. Шараямын куронъёсты тӥян учыръёс.
Комиссилэн кивалтӥсез Владимир Варламов пусйиз, улӥ ӟечлыко кидысъёсты вузан шаерамы улӥсь унозэ адямиосты сюлмаськытэ. Со пумысен депутатъёслы но интыосысь аскивалтон ёзъёслы трос вазиськонъёс вуо. Соин ик кивалтӥсь кидысъёсты, ярмаркаосын но базаръёсын сяна, улосвыл вузкарон сетьёсын но эскерыны ӵектӥз.
Пумиськонын ӝутэм эшшо одӥгез ужпум – музъемез пайдалыкен уже кутон. Юрий Волковлэн верамезъя, ӵемысь гыроно-кизёно музъемъёс вылын жуг-жаг куян интыос шараясько. 2020 ар ӵоже гектар музъем вылысь 11 жуг-жаг куян интыос утялтэмын, музъемъёс уже берыктэмын. Озьы ик лэчыт луэ борщевиклэн вӧлмонэныз нюръяськон.
Владимир Варламов та ласянь интыосысь аскивалтон ёзъёсын но калыкен валче ужлэсь кулэлыксэ пусйиз.
Кызьы вераз управленилэн кивалтӥсезлэн воштӥсез Юрий Волков, ведомство азьын сылӥсь валтӥсь ужпумъёс – адямиослэсь улонзэс но тазалыксэс утён, ветеринария, фитосанитария удысэн но музъемен герӟаськем катрадлыклэсь быдэсъяськемзэ эскерон.
Пӧйшуръёс но пудо-живот пӧлын вӧлмись висёнъёсъя югдур Удмурт Элькунын али умой. Нимысьтыз саклык висъяське урмонэн но парсьёслэн африкан чума висёнэнынызы нюръяськон ужъёслы. 2020 арын парсь но тылобурдо вордӥсь, сӥль вузась огазеяськонъёсты но нимаз ужасьёсты та ласянь ялан чакласа возизы.
Миым элькунысь 4 предприятиос продукцизэс кунгож сьӧры келяны кутскизы. Удмуртиысь предприятиос Китае - йӧл, Монголие - сӥль, Швейцарие – чечы, Азербайджанэ – комбикорм вузазы. Россельхонадзорысь ӧнерчиос та продукцилэсь ӟечлыксэ но кышкыттэмлыко луэмзэ чакласа возё.
Ваньзэ-ӧвӧлзэ Таможенной союзлэн реестраз али Удмуртиысь 11 предприятие пыре. Со – йӧллэсь но сӥльлэсь сиён-юон поттӥсь огазеяськонъёс. 2021 арлэн кутсконысеныз ини Удмуртиысь 8 тонналэсь ятыр йӧл продукция США-е келямын. 60 тонна пала сӥль продукция Монголие вузамын. Со сяна, элькунмы ӟеч выжыё пудолэсь генетика материалзэ кунгож сьӧры вузаны быгатэ. Сыӵе луонлык басьтӥз «Можгаплем» огазеяськон.
Управлениысь ужасьёс озьы ик зол чакласа возё фитосанитарияя куронъёслэсь быдэсъяськемзэс. Кидысъёсын но будосъёслэн удъёсынызы вузкарон вакытэ 41 рейд ортчытэмын. Шараямын куронъёсты тӥян учыръёс.
Комиссилэн кивалтӥсез Владимир Варламов пусйиз, улӥ ӟечлыко кидысъёсты вузан шаерамы улӥсь унозэ адямиосты сюлмаськытэ. Со пумысен депутатъёслы но интыосысь аскивалтон ёзъёслы трос вазиськонъёс вуо. Соин ик кивалтӥсь кидысъёсты, ярмаркаосын но базаръёсын сяна, улосвыл вузкарон сетьёсын но эскерыны ӵектӥз.
Пумиськонын ӝутэм эшшо одӥгез ужпум – музъемез пайдалыкен уже кутон. Юрий Волковлэн верамезъя, ӵемысь гыроно-кизёно музъемъёс вылын жуг-жаг куян интыос шараясько. 2020 ар ӵоже гектар музъем вылысь 11 жуг-жаг куян интыос утялтэмын, музъемъёс уже берыктэмын. Озьы ик лэчыт луэ борщевиклэн вӧлмонэныз нюръяськон.
Владимир Варламов та ласянь интыосысь аскивалтон ёзъёсын но калыкен валче ужлэсь кулэлыксэ пусйиз.