Удмуртиын нырысьсэ йӧскалык печатьлэсь нуналзэ пусйизы
04.02.2021
Туннэ Кун Кенешлэн Тӧроез Владимир Невоструев Удмурт Элькунлэн йӧскалык печатезлэн нуналэзлы сӥзем сӥё-дано приём ортчытӥз. Пумиськонэ ӧтемын вал йӧскалык кылъёсын потӥсь изданиосын ужасьёс, Удмуртиысь книгапоттониослэн кивалтӥсьёссы.
Ужрадэ пыриськизы Кун Думаысь «Единая Россия» фракцилэн кивалтӥсезлэн Нырысетӥ воштӥсез Андрей Исаев, Федераци Кенешысь сенатор, экономика политикая Комитетлэн тӧроезлэн нырысетӥ воштӥсез Юрий Фёдоров, Кун Думаысь дышетонъя но наукая Комитетлэн ёзчиез Алексей Загребин, элькун парламентлэн Президиумезлэн ёзчиосыз, министерствоослэн но ведомствоослэн кивалтӥсьёссы.
Владимир Невоструев йӧскалык кылын потӥсь газет-журналъёслэсь калыкъёслэсь культуразэс но аспӧртэмлыксэс утёнын бадӟым интызэс пусйиз, люкаськемъёслы Кун Кенешен валче ужамзы понна тау кариз.
Сӥё-дано ужрадын йӧскалык изданиосын кема аръёс ӵоже пайдалыко ужам журналистъёс Данъян грамотаосын но Тау карон гожтэтъёсны пусъемын.
Туннэ ик Эрик Батуев нимо премия сётэмын вал. «Удмурт кенеш» ассоциациен кылдытэм премия удмурт калыклэсь культуразэ, историзэ но улэмзэ возьматӥсь ужъёс понна чакламын. 2020 арлэн йылпумъянъёсызъя Эрик Батуев нимо премия нырысьсэ ӟуч кылын гожъясь авторлы – «Иднакар: методы историко-культурной реконструкции» журналэз кылдытӥсь но поттӥсь Алексей Коробейниковлы сётэмын.
Тодады вайытом, йӧскалык печатьлэн нуналэз катэн юнматэмын вал 2020 арын шуркынмон толэзе. «О праздничных днях и памятных датах Удмуртской Республики» катэн шаерамы 14 праздникъёс но 19 дано нуналъёс пусъемын.
Ужрадэ пыриськизы Кун Думаысь «Единая Россия» фракцилэн кивалтӥсезлэн Нырысетӥ воштӥсез Андрей Исаев, Федераци Кенешысь сенатор, экономика политикая Комитетлэн тӧроезлэн нырысетӥ воштӥсез Юрий Фёдоров, Кун Думаысь дышетонъя но наукая Комитетлэн ёзчиез Алексей Загребин, элькун парламентлэн Президиумезлэн ёзчиосыз, министерствоослэн но ведомствоослэн кивалтӥсьёссы.
Владимир Невоструев йӧскалык кылын потӥсь газет-журналъёслэсь калыкъёслэсь культуразэс но аспӧртэмлыксэс утёнын бадӟым интызэс пусйиз, люкаськемъёслы Кун Кенешен валче ужамзы понна тау кариз.
Сӥё-дано ужрадын йӧскалык изданиосын кема аръёс ӵоже пайдалыко ужам журналистъёс Данъян грамотаосын но Тау карон гожтэтъёсны пусъемын.
Туннэ ик Эрик Батуев нимо премия сётэмын вал. «Удмурт кенеш» ассоциациен кылдытэм премия удмурт калыклэсь культуразэ, историзэ но улэмзэ возьматӥсь ужъёс понна чакламын. 2020 арлэн йылпумъянъёсызъя Эрик Батуев нимо премия нырысьсэ ӟуч кылын гожъясь авторлы – «Иднакар: методы историко-культурной реконструкции» журналэз кылдытӥсь но поттӥсь Алексей Коробейниковлы сётэмын.
Тодады вайытом, йӧскалык печатьлэн нуналэз катэн юнматэмын вал 2020 арын шуркынмон толэзе. «О праздничных днях и памятных датах Удмуртской Республики» катэн шаерамы 14 праздникъёс но 19 дано нуналъёс пусъемын.