Кун Кенешлэн кызь укмысэтӥ сессиезлэн ужанрадэз юнматэмын

Туннэ Кун Кенешлэн Президиумез кызь укмысэтӥ сессилэсь ужанрадзэ юнматӥз. Со Ижкарын 24 шуркынмонэ 10.00 часын усьтӥськоз. Сессиын 18 ужпумъёсты сэрттыны-пертчыны чакламын. 8-эз со – элькун катъёслэн ӵектосъёссы. Соос пӧлын – Удмурт Элькунлэн 2021 но вуоно 2022 но 2023 аръёслы бюджетэз сярысь, озьы ик эмстрахованияя фондлэн коньдэтэз сярысь катӵектосъёс.
Озьы ик ваньбурлы выт но пенсионеръёслы мерлыко юрттэт сётон сярысь катрадлыке воштонъёс пыртыны чакламын.
Сессиын Егитъёслэн Кун Кенеш бордын ужась парламентсылэн витетӥ ӧтчамез юнматэмын, Кез ёросэз азинтон ужпумъёс сэрттэмын-пертчемын луозы.