Версия для слабовидящих
«За заслуги в развитии парламентаризма» данъян гадьпус сётэмын Павел Вершининлы, Юрий Питкевичлы но Рауф Каримовлы

«За заслуги в развитии парламентаризма» данъян гадьпус сётэмын Павел Вершининлы, Юрий Питкевичлы но Рауф Каримовлы

03.11.2020
«За заслуги в развитии парламентаризма» данъян гадьпус сётэмын Павел Вершининлы, Юрий Питкевичлы но Рауф Каримовлы
Туннэ Владимир Невоструев Кун Кенешлэн Президиумезлэсь Удмуртилэн кунлыкезлы 100 ар тырмонлы сӥзем сӥё-дано кенешонзэ ортчытӥз.
Отын Павел Вершининлы, Юрий Питкевичлы но Рауф Каримовлы Кун Кенешлэсь «За заслуги в развитии парламентаризма» данъян гадьпуссэ сётӥзы. Та данъет – элькунмес азинтонын тыршемды понна тау карон, шуиз Владимир Невоструев.
Павел Николаевич Вершинин Кун Кенешлэн нырысетӥысен ньылетӥозь ӧтчамъёсаз бырйиськылӥз. 1995-1999 аръёсы Удмурт Элькунлэн Кивалтэтэзлэн Тӧроез вал, огдыре шаермылэн Федераци Кенешысь ёзчиез луыса ужаз. 1999-2003 аръёсы Кун Кенешлэн Тӧроезлэн Нырысетӥ воштӥсез вал. 2016 арын Удмуртилэн Мерлыко палатаеныз кивалтыны кутскиз. Та ужын куинь ар ӵоже тыршиз.
Юрий Степанович Питкевич Кун Кенеше Юкаменск округъя бырйиськылӥз. 1993 арын Министръёслэн Кенешсылэн Тӧроезлы воштӥсе юнматэмын вал, 1995 арын Кивалтэтлэн Тӧроезлэн Нырысетӥ воштӥсез луиз. 2000 арысен 14 ар ӵоже Кивалтэтлэн Тӧроез луыса ужаз. Юрий Питкевич депутат корпусэн котьку юн кусыпъёс возиз.
Рауф Мухаметович Каримов Удмуртилэн Вылӥ кенешезлэн дас кыкетӥ ӧтчамезлэн депутатэз вал, Кун Кенешлэн куинетӥ, ньылетӥ но витетӥ ӧтчамъёсаз бырйиськылӥз. 40 арлэсь кема ужаз потребкооперация удысын.

Возврат к списку