Версия для слабовидящих
Удмурт Элькунлэн 2021 но вуоно 2022 но 2023 аръёслы бюджетэз сярысь катӵектосъя калык кылзонъёс 12 шуркынмонэ радъяськозы

Удмурт Элькунлэн 2021 но вуоно 2022 но 2023 аръёслы бюджетэз сярысь катӵектосъя калык кылзонъёс 12 шуркынмонэ радъяськозы

02.11.2020
Со сярысь пуктэт юнматэмын туннэ Кун Кенешлэн Президиумезлэн кенешоназ. Видеконференцгерӟет амалэн сое ортчытӥз Кун Кенешлэн Тӧроез Владимир Невоструев.
Кызьы ивортӥз бюджетъя, вытъёсъя но коньдон ужпумъёсъя ялан ужась комиссилэн кивалтӥсез Юрий Тюрин, кылзонъёс очной но заочной амалъёсын ортчозы. Заочной кылзонъёс 2020 арын 3-сен 9 шуркынмонозь мынозы. Та дыр ӵоже комиссия элькунын улисьёслэсь ӵектонъёссэс но дэмланъёссэс budjet@gossovet.udm.ru адресъя яке гожтэтэн г. Ижевск, пл. им. 50-летия Октября, 15, каб. № 411 адресъя возьма.
Очной кылзонъёсты 12 шуркынмонэ 10.00 часын ортчытыны чакламын. Юрий Тюрин тодэ вайытӥз, пандемиен сэрен очной кылзонъёсы трос адями пыриськыны уз быгаты. Кылзонъёсты онлайн амалэн Кун Кенешлэн сайтысьтыз адӟыны луоз.
Очной кылзонъёс бере куинь нунал ӵоже (15 шуркынмонозь) мылкыд карисьёс Кун Кенеше асьсэлэсь ӵектон-дэмланъёссэс келяны быгатозы.
Тодады вайытом, 2016 арысен калык кылзонъёс бюджет сярысь кат бордын ужлэн одӥгез одно ик быдэстоно люкетэз луо. Сыӵе курон пуктэ федерал катрадлык. Кылзонъёслэн протоколзы Кун Кенешлэн сессияз юнматӥське.

Возврат к списку