Версия для слабовидящих
Дышетсконэз радъян ужпумъёсты эскеризы котрес ӝӧк сьӧрын ортчем кенешонын

Дышетсконэз радъян ужпумъёсты эскеризы котрес ӝӧк сьӧрын ортчем кенешонын

29.10.2020
Туннэ «Справедливая Россия» депутат фракцилэн кивалтӥсез Фарид Юнусов видеоконференцгерӟет амалэн котрес ӝӧк сьӧрын кенешон ортчытӥз. Вераськон мынӥз дышетсконэз коронавируслэн пандемиез дыръя радъян ужпумъёс сярысь.
Удмуртиысь дышетонъя но наукая министрлэн нырысетӥ воштӥсез Ирина Крохина дышетон удысысь югдур сярысь вераз. Со пусйиз, школаосын та дыре кышкыттэмлыкъя куронъёслы бадӟым саклык висъяське шуыса. Дышетсконние пырисьёслэсь температуразэс эскеро, юрт пушъёсты но отысь омырез чылкытатыса возё. Солы кулэ луись тӥрлык басьтыны муниципалитетъёслы 167 миллион манет висъямын вал.
Школаосын дышетскисьёс та дыре шутэтскыны лэземын. Сӥзьыл каникулъёс туэ одӥг арнялы кузьгес каремын.
Муниципал школаосын дышетсконлэн мынэмез сярысь веразы Ижкар но Можга администрациосысь дышетонъя управлениослэн кивалтӥсьёссы. Валтӥсь ужпумъёс пӧлын – пиналъёсты сюдонэз радъян, эмкабинетъёсты ужасьёсын но тӥрлыкен тырмытон. Озьы ик лэчытлыксэс уг ышто трос нылпиё но куанер семьяосысь пиналъёслы юрттӥськон, эмъяськонниосын но дышетсконниосын кусып возён.
Фарид Юнусовлэн верамезъя, кенешонын чузъяськем вань ӵектонъёс огазеямын луозы но азьланяз уже кутӥськозы.

Возврат к списку