Владимир Невоструев но Фарид Мухаметшин Удмуртилэн но Татарстанлэн парламенткуспо ужзы сярысь кенешизы

Туннэ Удмуртиысь Кун Кенешлэн Тӧроез Владимир Невоструев Татарстанысь Агрыз карын Татарстанлэн Кун Кенешезлэн Тӧроеныз Фарид Мухаметшинэн пумиськылӥз. Пумиськонэ озьы ик Удмурт Элькунлэн Дано кунмуртэз Валентин Тубылов пыриськиз. Вераськон мынӥз парламенткуспо ужез азинтон сярысь.
Удмуртилэн но Татарстанлэн Кун Кенешъёссы куспын пайдалыко уж нуиське. Валче ужан радъяськиз 90-тӥ аръёслэн кутсконазы. Соку элькунъёслэн Вылӥ Кенешъёсынызы Валентин Тубылов но Фарид Мухаметшин кивалтӥзы.
Владимир Невоструев но Валентин Тубылов вылӥ дунъет сётӥзы Татарстанлэн азинскон ӝоглыкезлы, пусйизы, Татарстанэз адӟем карымон улосэн ниманы луэ шуыса.
Пумиськонэ пыриськисьёс огкылысь луизы, Удмуртилы но Татарстанлы азинтӥськыны политика но йӧскалык кусыпъёс ласянь огсыр югдур юрттэ шуыса.