Кун Кенешысь депутатъёс «Диктант Победы» огъя росси акцие пыриськизы
03.09.2020
Кун Кенешысь депутатъёс «Вормон диктант» акцие пыриськизы. 3 куарусёнэ со быдэс Россиын ортчиз. Удмуртиын диктант 189 интыын радъяськиз, 100 со пӧлысь - Ижкарын. Нырысь-валась чакламъёсъя, акцие элькунысь 6000 адями пыриськиз.
Удмуртилэн шоркарез понна «Вормон диктант» уката дуно. Ож аръёсы Ижкар ожтӥрлык поттонъя бадӟым центрлы пӧрмиз. Вормонлы 75 ар тырмон улсын солы «Ужен данлыко кар» дано ним юнматэмын.
Кун Кенешлэн Тӧроез Владимир Невоструев «Вормон диктантэз» Кузебай Герд нимо йӧскалык музейлэн азбараз гожтӥз. Со тау кариз ужрадэ пыриськись адямиослы историез тодыны но утьыны тыршемзы понна.
Кун Кенешлэн Тӧроезлэн Нырысетӥ воштӥсез, тазалыкез утёнъя, демографи но семья политикая ялан ужась ӧрилэн кивалтӥсез Надежда Михайлова диктантэз Киров Паркысь фан-зонаын гожтӥз. Отын ик акцие пыриськиз «КПРФ» фракцилэн кивалтӥсез Алексей Конорюков.
Наукая, дышетонъя, культурая, йӧскалык но егитъёсын ужан политикая но спортъя ялан ужась ӧрилэн кивалтӥсез Татьяна Ишматова тестлэн юанъёсызлы валэктонъёс сётӥз Йӧскалык лыдӟиськоннилэн площадкаяз. «Единая Россия» фракцилэн кивалтӥсез Елена Дербилова акцие пыриськиз Удмурт кун университетлэн Тодосъя библиотекаяз.
Тодады вайытом, «Диктант Победы» - Быдӟым Атыкай ожын Вормонлэн 75 ар тырмонэзлы сӥзем огъя росси акция. 45 минут куспын ожлэн историеныз герӟаськем 25 юанлы валэктон сётыны кулэ. Акциез радъясьёслэн верамзыя, тестлэсь йылпумъянъёссэ тодыны луоз 30 куарусён бере диктантпобеды.рф сайтын.
Удмуртилэн шоркарез понна «Вормон диктант» уката дуно. Ож аръёсы Ижкар ожтӥрлык поттонъя бадӟым центрлы пӧрмиз. Вормонлы 75 ар тырмон улсын солы «Ужен данлыко кар» дано ним юнматэмын.
Кун Кенешлэн Тӧроез Владимир Невоструев «Вормон диктантэз» Кузебай Герд нимо йӧскалык музейлэн азбараз гожтӥз. Со тау кариз ужрадэ пыриськись адямиослы историез тодыны но утьыны тыршемзы понна.
Кун Кенешлэн Тӧроезлэн Нырысетӥ воштӥсез, тазалыкез утёнъя, демографи но семья политикая ялан ужась ӧрилэн кивалтӥсез Надежда Михайлова диктантэз Киров Паркысь фан-зонаын гожтӥз. Отын ик акцие пыриськиз «КПРФ» фракцилэн кивалтӥсез Алексей Конорюков.
Наукая, дышетонъя, культурая, йӧскалык но егитъёсын ужан политикая но спортъя ялан ужась ӧрилэн кивалтӥсез Татьяна Ишматова тестлэн юанъёсызлы валэктонъёс сётӥз Йӧскалык лыдӟиськоннилэн площадкаяз. «Единая Россия» фракцилэн кивалтӥсез Елена Дербилова акцие пыриськиз Удмурт кун университетлэн Тодосъя библиотекаяз.
Тодады вайытом, «Диктант Победы» - Быдӟым Атыкай ожын Вормонлэн 75 ар тырмонэзлы сӥзем огъя росси акция. 45 минут куспын ожлэн историеныз герӟаськем 25 юанлы валэктон сётыны кулэ. Акциез радъясьёслэн верамзыя, тестлэсь йылпумъянъёссэ тодыны луоз 30 куарусён бере диктантпобеды.рф сайтын.