Версия для слабовидящих
Владимир Невоструев дышетскисьёсты, дышетӥсьёсты но анай-атайёсты тодон-валанъёслэн нуналэнызы ӟечкылаз

Владимир Невоструев дышетскисьёсты, дышетӥсьёсты но анай-атайёсты тодон-валанъёслэн нуналэнызы ӟечкылаз

01.09.2020
Владимир Невоструев дышетскисьёсты, дышетӥсьёсты но анай-атайёсты тодон-валанъёслэн нуналэнызы ӟечкылаз
Кун Кенешлэн Тӧроез Владимир Невоструев но элькун парламентлэн депутатэз Андрей Волков Глазов ёросысь Удмурт Ключи гуртысь школаын линейкае пыриськизы. Соос дышетскисьёсты, дышетӥсьёсты но анай-атайёсты тодон-валанъёслэн нуналэнызы ӟечкылазы.
Ключи школаын 94 пинал дышетске. Нырысетӥ классэ 7 нылпи лыктӥз. Ваньзы соос Кун Кенешысь депутатъёслэсь кузьымъёссэс басьтӥзы. Школалэн кивалтӥсезлы Людмила Главатскихлы элькун парламентлэн спикерез 10 сюрс манетлы сетификат сётӥз. Со дышетсконниез юнматыны кутӥськоз. Озьы ик депутатъёс школалы тупъёс кузьмазы.
Владимир Невоструев дышетскон классъёстӥ ортчиз, соослэсь выль дышетскон арлы дасьлыксэс эскериз. Собере Андрей Волковен но Глазов ёрослэн Тӧроеныз Вячеслав Сабрековен ӵош Удмурт Ключи гуртын улӥсьёсын пумиськон ортчытӥз, бырйисьёслэн кылдэм юанъёсынызы тодматскиз.
Будэтом на, Кун Кенешлэн Тӧроез Владимир Невоструев но Кун Кенешысь депутат Андрей Волков кузьымъёс келязы Глазов, Юкаменск но Яр ёросъёсысь нырысетӥ классэ мынӥсь вань пиналъёслы.



Возврат к списку