Эскеризы анай кылэз дышетон удысысь ужпумъёсты
20.08.2020
Кун Кенешын анай кылъя дышетӥсьёслэн конференцизы ортчиз. Отчы Удмуртилэн вань каръёсысьтыз но ёросъёсысьтыз удмурт, бигер но пор кылъя дышетӥсьёс пыриськизы.
Кенешонэз наукая, дышетонъя, культурая, йӧскалык но егитъёсын ужан политикая но спортъя ялан ужась комиссия но вань удмуртъёслэн «Удмурт кенеш» ассоциацизы радъязы.
Люкаськемъёслы вазиськыса, Кун Кенешлэн Тӧроез Владимир Невоструев пусйиз, Удмуртия пӧртэм культураосты но калыкъёсты огазеясь аспӧртэмлыко улос луэ шуыса. Асьме дорын 130-лэсь ятыр выжы калыкъёс уло. Удмуртия соослэсь эшлыко кусыпъёссэс возьыны быгатэменыз висъяське.
«Пӧртэм калыкъёс пӧлын кусыпъёсты возьыны юрттэ шонер радъям йӧскалык политика, - шуиз Владимир Невоструев. – Нош сое быдэсъянын бадӟым инты басьто анай кылъя дышетӥсьёс».
Кун Думаысь «Единая Россия» фракцилэн кивалтӥсезлэн Нырысетӥ воштӥсез Андрей Исаев пусйиз, котькуд калыклэн пӧртэмлыкез нырысь ик солэн кыл вылаз возиське шуыса. «Соин ик анай кылъя дышетӥсьёс со – калыкез утисьёс», - шуиз депутат.
Андрей Исаев тодэ вайытӥз 2018 арын кутэм анай кылэз дышетонэн герӟаськем федерал кат бордын ужлэсь мынэмзэ. Соку огкылэ вуэмын вал, Россиын анай кылъёслы юрттонъя фонд кылдытыны кулэ шуыса. Солы дурбасьтӥз дышетонъя росси министр. Но федерал Кивалтэтлэн воштӥськемез, бӧрысь коронавирусэн герӟаськем югдур та малпанэз соку ик быдэстыны ӧз сётэ. «Туннэ Росси Конституцие воштонъёс пыртэмын. Кун Думалэн сӥзьыл сессияз та воштонъёсты усьтӥсь ог 100 кат кутыны чакласьком. Малпаськом, одӥгез соос пӧлысь ӵапак анай кылъёсты дышетонэн герӟаськемын луоз шуыса», - оскытӥз депутат.
Удмуртилэн Кун Кенешысьтыз наукая, дышетонъя, культурая, йӧскалык но егитъёсын ужан политикая но спортъя ялан ужась комиссилэн кивалтӥсез Татьяна Ишматова анай кылъя дышетӥсьёсты огазеянлэн кулэлыкез сярысь вераз. «Туннэ конференцилэн валтӥсь ужпумез – анай кылъя дышетӥсьёслэн тужгес умой амалъёсынызы тодматскон, та ужез выль тубатэ ӝутыны луонлык сётон», - шуиз Татьяна Ишматова.
Конференцие пыриськисьёс тужгес сюлмаськытӥсь ужпумъёссэс сэрттӥзы-пертчизы, анай кылъёсты дышетонын туала вакытлы тупась ӧръёс сярысь вераськизы.
Ужрадэ озьы ик пыриськизы Кун Кенешысь депутатъёс, Тӧролэн Нырысетӥ воштӥсез – тазалыкез утёнъя, демографи но семья политикая ялан ужась ӧрилэн кивалтӥсез Надежда Михайлова, «Единая Россия» депутат фракцилэн кивалтӥсез Елена Дербилова, «КПРФ» фракцилэн кивалтӥсез Алексей Конорюков, Элькунысь дышетонъя но наукая министр Светлана Болотникова, муниципал огазеяськонъёсысь ӧнерчиос.
Кенешонэз наукая, дышетонъя, культурая, йӧскалык но егитъёсын ужан политикая но спортъя ялан ужась комиссия но вань удмуртъёслэн «Удмурт кенеш» ассоциацизы радъязы.
Люкаськемъёслы вазиськыса, Кун Кенешлэн Тӧроез Владимир Невоструев пусйиз, Удмуртия пӧртэм культураосты но калыкъёсты огазеясь аспӧртэмлыко улос луэ шуыса. Асьме дорын 130-лэсь ятыр выжы калыкъёс уло. Удмуртия соослэсь эшлыко кусыпъёссэс возьыны быгатэменыз висъяське.
«Пӧртэм калыкъёс пӧлын кусыпъёсты возьыны юрттэ шонер радъям йӧскалык политика, - шуиз Владимир Невоструев. – Нош сое быдэсъянын бадӟым инты басьто анай кылъя дышетӥсьёс».
Кун Думаысь «Единая Россия» фракцилэн кивалтӥсезлэн Нырысетӥ воштӥсез Андрей Исаев пусйиз, котькуд калыклэн пӧртэмлыкез нырысь ик солэн кыл вылаз возиське шуыса. «Соин ик анай кылъя дышетӥсьёс со – калыкез утисьёс», - шуиз депутат.
Андрей Исаев тодэ вайытӥз 2018 арын кутэм анай кылэз дышетонэн герӟаськем федерал кат бордын ужлэсь мынэмзэ. Соку огкылэ вуэмын вал, Россиын анай кылъёслы юрттонъя фонд кылдытыны кулэ шуыса. Солы дурбасьтӥз дышетонъя росси министр. Но федерал Кивалтэтлэн воштӥськемез, бӧрысь коронавирусэн герӟаськем югдур та малпанэз соку ик быдэстыны ӧз сётэ. «Туннэ Росси Конституцие воштонъёс пыртэмын. Кун Думалэн сӥзьыл сессияз та воштонъёсты усьтӥсь ог 100 кат кутыны чакласьком. Малпаськом, одӥгез соос пӧлысь ӵапак анай кылъёсты дышетонэн герӟаськемын луоз шуыса», - оскытӥз депутат.
Удмуртилэн Кун Кенешысьтыз наукая, дышетонъя, культурая, йӧскалык но егитъёсын ужан политикая но спортъя ялан ужась комиссилэн кивалтӥсез Татьяна Ишматова анай кылъя дышетӥсьёсты огазеянлэн кулэлыкез сярысь вераз. «Туннэ конференцилэн валтӥсь ужпумез – анай кылъя дышетӥсьёслэн тужгес умой амалъёсынызы тодматскон, та ужез выль тубатэ ӝутыны луонлык сётон», - шуиз Татьяна Ишматова.
Конференцие пыриськисьёс тужгес сюлмаськытӥсь ужпумъёссэс сэрттӥзы-пертчизы, анай кылъёсты дышетонын туала вакытлы тупась ӧръёс сярысь вераськизы.
Ужрадэ озьы ик пыриськизы Кун Кенешысь депутатъёс, Тӧролэн Нырысетӥ воштӥсез – тазалыкез утёнъя, демографи но семья политикая ялан ужась ӧрилэн кивалтӥсез Надежда Михайлова, «Единая Россия» депутат фракцилэн кивалтӥсез Елена Дербилова, «КПРФ» фракцилэн кивалтӥсез Алексей Конорюков, Элькунысь дышетонъя но наукая министр Светлана Болотникова, муниципал огазеяськонъёсысь ӧнерчиос.