Палэнысен ужанэз катэн радъян ужпумъёсты эскеризы Кун Кенешын ортчем котрес ӝӧк сьӧрын кенешонын
30.06.2020
Туннэ Кун Кенешлэн Тӧроез Владимир Невоструев Россиысь Ужъя кодексэ ӵектэм воштонъёсъя котрес ӝӧк сьӧрын кенешон ортчытӥз. Воштонъёс палэнысен ужан амалэз радъянэн герӟаськемын.
Вераськонэ пыриськизы Росси Кун Думаысь депутатъёс Андрей Исаев но Валерий Бузилов, Федераци Кенешысь экономика политикая Комитетлэн кивалтӥсезлэн нырысетӥ воштӥсез Юрий Фёдоров, Кун Кенешысь депутатъёс. Видеоконференцсвязь амалэн кенешонэ итӥськизы элькунысь министерствоослэн но ведомствоослэн кивалтисьёссы, муниципал огазеяськонъёсысь депутатъёс, Мерлыко палаталэн но мерлыко огазеяськонъёслэн ёзчиоссы.
Кызьы вераз Андрей Исаев, катӵектос бордын уж мытэмын вал ини кылем арын, нош коронавируслэн пандемиез возьматӥз, сое ӝоггес быдэстоно шуыса. Ужъя Министерстволэн чакламезъя, пандемиен сэрен кунысьтымы ог вить миллион адями палэнысен ужан амалэ огдырлы выжтэмын вал. Нош ужъя Кодексын та ласянь нокыӵе куронъёс но валэктонъёс ӧй вал.
Катэ воштонъёсты дасян понна кылдытэмын вал нимысьтыз ужан группа. Отчы Кун Думаысь «Единая Россия» фракциысь, профсоюзъёсысь, уж сётӥсьёслэн огазеяськонысьтызы но ужъя но мерлыко утет сётонъя федерал Министерствоысь ӧнерчиос пыризы. 16 инвожое 2020 арын палэнысен ужанэз но ужасьёсты огдырлы та амалэ выжтонэз радъясь катӵектос Кун Думае вуиз. Туннэ сое нырысетӥ лыдӟонлы дасян мынэ, ивортӥз Андрей Исаев. Ӵектосъя, палэнысен ужанъя кань куронъёс но валэктонъёс Ужъя Кодекслэн одӥг ёзэтаз огазеямын луозы.
Проектлэн валтӥсь интыосыз – ужоскетъёсты палэнысен быдэсъяку ужъя книжкаосты но электрон документооборотэз нуонэз радъян, тӥрлыкез но программаосты уже кутон, палэнысен ужась муртъёслэсь эрикрадъёссэс утён, ужан дырез лыдъян но ужасьлэсь уж сётӥсен кусыпъёссэ радъян. Кыкетӥ лыдӟонлы дасяку, катӵектослэн куронъёсыз пыр-почгес валэктэмын луозы, шуиз депутат.
Со дыре ик «Единая Россия» партия проектэз эскеронэ калыкез но пыриськыны ӧте. Со понна уж сётӥсьёслэн но профсоюзъёслэн интыосысь огазеяськонъёсынызы, мерлыко огазеяськонъёсын кенешонъёс ортчытъяны чакламын. Отчы котькуд мылкыд карись мурт пыриськыны быгатоз.
Удмуртиысь Кун Кенешлэн Тӧроез Владимир Невоструев пусйиз, элькун парламентлэн кылем сессияз депутатъёс Россиысь Ужъя кодексэ воштонъёс понна дурбасьтэмзэс веразы. 10 пӧсьтолэзёзь Кун Кенеш отчы ватсаны ӵектонъёсты басьтэ. Соос Кун Думае келямын луозы.
Удмуртиысь мерлыко политикая но ужъя министр Татьяна Чуракова пусйиз, выль кат сӧсыр муртъёслы уже интыяськыны луонлыкъёсты паськытатоз шуыса. «Пандемия вакытэ дорамы «пӧсь» герӟетъя палэнысен ужанэз радъянъя 6 сюрс пала вазиськон вуиз. Тужгес но трос юанъёссы вал арлыдо муртъёслэн, секытэн нылкышноослэн, быдэ вуымтэослэн но инвалидностен адямиослэн. Ӵапак соосты уж сётӥсьёс нырысьёсыз пӧлын палэнысен ужаны выжтӥзы. Таӵе ужан амал катрадлыкен юнматэмын луиз ке, инвалидностен адямиослы уж шедьтыны шӧдскымон капчигес луоз», - лыдъя Татьяна Чуракова.
Вераськонэ пыриськись ваньмыз сямен кивалтӥсьёс катӵектослэсь кулэлыксэ пусйизы но сое матысь дыре юнматыны сӥзёнъёссэс веразы.
Вераськонэ пыриськизы Росси Кун Думаысь депутатъёс Андрей Исаев но Валерий Бузилов, Федераци Кенешысь экономика политикая Комитетлэн кивалтӥсезлэн нырысетӥ воштӥсез Юрий Фёдоров, Кун Кенешысь депутатъёс. Видеоконференцсвязь амалэн кенешонэ итӥськизы элькунысь министерствоослэн но ведомствоослэн кивалтисьёссы, муниципал огазеяськонъёсысь депутатъёс, Мерлыко палаталэн но мерлыко огазеяськонъёслэн ёзчиоссы.
Кызьы вераз Андрей Исаев, катӵектос бордын уж мытэмын вал ини кылем арын, нош коронавируслэн пандемиез возьматӥз, сое ӝоггес быдэстоно шуыса. Ужъя Министерстволэн чакламезъя, пандемиен сэрен кунысьтымы ог вить миллион адями палэнысен ужан амалэ огдырлы выжтэмын вал. Нош ужъя Кодексын та ласянь нокыӵе куронъёс но валэктонъёс ӧй вал.
Катэ воштонъёсты дасян понна кылдытэмын вал нимысьтыз ужан группа. Отчы Кун Думаысь «Единая Россия» фракциысь, профсоюзъёсысь, уж сётӥсьёслэн огазеяськонысьтызы но ужъя но мерлыко утет сётонъя федерал Министерствоысь ӧнерчиос пыризы. 16 инвожое 2020 арын палэнысен ужанэз но ужасьёсты огдырлы та амалэ выжтонэз радъясь катӵектос Кун Думае вуиз. Туннэ сое нырысетӥ лыдӟонлы дасян мынэ, ивортӥз Андрей Исаев. Ӵектосъя, палэнысен ужанъя кань куронъёс но валэктонъёс Ужъя Кодекслэн одӥг ёзэтаз огазеямын луозы.
Проектлэн валтӥсь интыосыз – ужоскетъёсты палэнысен быдэсъяку ужъя книжкаосты но электрон документооборотэз нуонэз радъян, тӥрлыкез но программаосты уже кутон, палэнысен ужась муртъёслэсь эрикрадъёссэс утён, ужан дырез лыдъян но ужасьлэсь уж сётӥсен кусыпъёссэ радъян. Кыкетӥ лыдӟонлы дасяку, катӵектослэн куронъёсыз пыр-почгес валэктэмын луозы, шуиз депутат.
Со дыре ик «Единая Россия» партия проектэз эскеронэ калыкез но пыриськыны ӧте. Со понна уж сётӥсьёслэн но профсоюзъёслэн интыосысь огазеяськонъёсынызы, мерлыко огазеяськонъёсын кенешонъёс ортчытъяны чакламын. Отчы котькуд мылкыд карись мурт пыриськыны быгатоз.
Удмуртиысь Кун Кенешлэн Тӧроез Владимир Невоструев пусйиз, элькун парламентлэн кылем сессияз депутатъёс Россиысь Ужъя кодексэ воштонъёс понна дурбасьтэмзэс веразы. 10 пӧсьтолэзёзь Кун Кенеш отчы ватсаны ӵектонъёсты басьтэ. Соос Кун Думае келямын луозы.
Удмуртиысь мерлыко политикая но ужъя министр Татьяна Чуракова пусйиз, выль кат сӧсыр муртъёслы уже интыяськыны луонлыкъёсты паськытатоз шуыса. «Пандемия вакытэ дорамы «пӧсь» герӟетъя палэнысен ужанэз радъянъя 6 сюрс пала вазиськон вуиз. Тужгес но трос юанъёссы вал арлыдо муртъёслэн, секытэн нылкышноослэн, быдэ вуымтэослэн но инвалидностен адямиослэн. Ӵапак соосты уж сётӥсьёс нырысьёсыз пӧлын палэнысен ужаны выжтӥзы. Таӵе ужан амал катрадлыкен юнматэмын луиз ке, инвалидностен адямиослы уж шедьтыны шӧдскымон капчигес луоз», - лыдъя Татьяна Чуракова.
Вераськонэ пыриськись ваньмыз сямен кивалтӥсьёс катӵектослэсь кулэлыксэ пусйизы но сое матысь дыре юнматыны сӥзёнъёссэс веразы.