Андрей Исаев Ижкарлы «Ужысь данлыкен кар» нимез сётон понна куаразэ сётӥз
29.06.2020
Туннэ Кун Думаысь «Единая Россия» фракцилэн кивалтӥсезлэн воштӥсез Андрей Исаев Удмуртиысь Кун Кенешлэн Тӧроеныз Владимир Невоструевен ӵош Ижкарысь кӧня ке быръён участокъёсы вуылӥз. Со комиссиослэн ужаменызы тодматскиз, кышкытлыкъя куронъёслэсь быдэсъяськемзэс эскериз, 83№ но 88№ школаосы интыяськем ӧриослэн ёзчиосынызы кенешиз.
Участокъёсын черъёслэн вӧлмонэнызы нюръяськонъя куронъёс туж умой быдэсъясько, котькуд адями отчы тазалыкез понна сюлмаськытэк лыктыны быгатэ, пусйиз Андрей Исаев.
Комиссиослэн тӧрооссы верамъя, куаразэс сётыны лыктӥсьёслэн лыдзы нуналлы быдэ йылэ. Тужгес трос калыкез 1 пӧсьтолэзе – куара сётон огъя нуналэ – возьмало. Тодады вайытом, Россиын соку шутэтскон нунал ялэмын.
Кун Думаысь депутат умой дунъет сётӥз Росси Конституцие воштонъёс понна куара сётонэн ӵош адямиос Ижкарлы «Ужысь данлыкен кар» ним сётон понна но дурбасьтэмзэс вераны быгато шуыса. Со озьы ик аслэсьтыз куаразэ сётӥз та кичӧлтон понна.
«Быдӟым Атыкай ож аръёсы татчы 60-лэсь ятыр промышленной предприятиос интыямын вал. Пичигес гинэ Ижкар ыбылӥськон тӥрлык поттонъя США-ез но, Германиез но азьпалтӥз. Со ужысь зэмос подвиг вал. Нылкышноос, быдэ вуымтэос, сӧсыръёс кӧня ке сменаен вис карылытэк ужазы. Соин ик планзэс 150 процентлы быдэсъясь бригадаослы фронтовой бригада ним сётыны ӵектэмын вал. Соин ик Ижкар та дано нимез нырысьёсыз пӧлын басьтыны кулэ. Мон туннэ со понна куараме сётӥ, со сярысь верасько Росси Кун Думаын но. Но та ӵектонэз быдэстон понна, элькунысь уката но трос улӥсьёс дурбасьтэмзэс вераны кулэ», - шуиз Андрей Исаев.
Участокъёсын черъёслэн вӧлмонэнызы нюръяськонъя куронъёс туж умой быдэсъясько, котькуд адями отчы тазалыкез понна сюлмаськытэк лыктыны быгатэ, пусйиз Андрей Исаев.
Комиссиослэн тӧрооссы верамъя, куаразэс сётыны лыктӥсьёслэн лыдзы нуналлы быдэ йылэ. Тужгес трос калыкез 1 пӧсьтолэзе – куара сётон огъя нуналэ – возьмало. Тодады вайытом, Россиын соку шутэтскон нунал ялэмын.
Кун Думаысь депутат умой дунъет сётӥз Росси Конституцие воштонъёс понна куара сётонэн ӵош адямиос Ижкарлы «Ужысь данлыкен кар» ним сётон понна но дурбасьтэмзэс вераны быгато шуыса. Со озьы ик аслэсьтыз куаразэ сётӥз та кичӧлтон понна.
«Быдӟым Атыкай ож аръёсы татчы 60-лэсь ятыр промышленной предприятиос интыямын вал. Пичигес гинэ Ижкар ыбылӥськон тӥрлык поттонъя США-ез но, Германиез но азьпалтӥз. Со ужысь зэмос подвиг вал. Нылкышноос, быдэ вуымтэос, сӧсыръёс кӧня ке сменаен вис карылытэк ужазы. Соин ик планзэс 150 процентлы быдэсъясь бригадаослы фронтовой бригада ним сётыны ӵектэмын вал. Соин ик Ижкар та дано нимез нырысьёсыз пӧлын басьтыны кулэ. Мон туннэ со понна куараме сётӥ, со сярысь верасько Росси Кун Думаын но. Но та ӵектонэз быдэстон понна, элькунысь уката но трос улӥсьёс дурбасьтэмзэс вераны кулэ», - шуиз Андрей Исаев.