Версия для слабовидящих
Кун Кенешлэн куатетӥ сессияз юнматэм куд-ог катъёс сярысь

Кун Кенешлэн куатетӥ сессияз юнматэм куд-ог катъёс сярысь

25.06.2020
Кун Кенешлэн куатетӥ сессияз юнматэм куд-ог катъёс сярысь
23 инвожое Удмуртиысь Кун Кенешлэн куатетӥ ӧтчамезлэн кызь куатетӥ сессиез ортчиз. Депутатъёс 36 ужпумъёсты сэрттӥзы-пертчизы. Соос пӧлын – 18 элькун катъёслэн ӵектосъёссы.
Кутэмын кат, кудӥзъя тамак луисьтэм никотино суретъёсты вузан шаерамы быдэсак дугдытӥське. Азьвыл снюс но мукет со выллем суретъёсты пиналъёслы гинэ вузаны лэземын ӧй вал. Парламентлэн Тӧроезлэн Нырысетӥ воштӥсез, тазалыкез утёнъя, демографи но семья политикая ялан ужась ӧрилэн кивалтӥсез Надежда Михайлова пусйиз, никотино суретъёс адямилэн тазалыкезлы туж бадӟым кышкытлык кылдыто шуыса. Табактэм никотинэн суретъёсты вузаны лэземын ӧвӧл ни Россиысь укмыс улосъёсын. Элькунамы та алон кужымаз пыроз 1-тӥ гудырикошконысен.
Юнматэмын трос квартираё улон коркаосы интыяськем кафеосын но баръёсын кудӟытӥсь суретъёсын вузкаронэз чурытатӥсь кат. Табере та ужез нуыны быгатозы 50 квадрат метрлэсь бадӟым залэн заведениос гинэ. Закон ужаны кутскоз туэ 1-тӥ гудырикошконысен.
Чылкак выль кат кылдӥз туризмез азинтон понна. Удыслы катрадлыкен инъет кылдытэм сяна, та закон туризмез экономика радэ поттыны юрттэ, шаерамы туризмъя кластеръёс кылдытонэз чакла.
Воштонъёс пыртэмын дышетон удысысь ужоскетъёсты быдэсъян сярысь элькун катэ. Соос егит дышетӥсьёслы чаклам тыронъёсты басьтыны луонлыкъёсты паськытато. Табере дышетон ужъюртъёсын нырысетӥ куинь ар ӵоже ужамзы бере 40, 60 но 80 сюрс манет басьтыны быгатозы дышетӥсьёс, кудъёсыз ӧнер басьтэмзы бере ик армие кошкеменызы яке нылпи ваеменызы уже интыяськыны ӧз быгатэ вал.

Возврат к списку