Удмуртиын нимаз висъяськыса улон режим юнматэмын

Удмуртилэн Тӧроез Александр Бречалов элькунын нимаз висъяськыса улон режим юнматӥз. Со ужаны кутскоз 31-тӥ южтолэзе 18 часысен. Режим возиськоз нимысьтыз косон потытозь.
Туннэ, 31 южтолэзе, 18 часысен кутскыса, шаерын улӥсь вань адямиос доразы пукыны кулэ. Потаны луэ таӵе учыръёсы гинэ:
ӝогэмъюрттэтлы вазиськон;
улонлы но тазалыклы меӵак кышкытлык кылдон;
уж доры мынон но отысь бертон, уж дугдытэмын ӧвӧл ке;
тужгес кулэ луись вузъёслы матысь вузкаронние, озьы ик банке но герӟетъя салонэ ветлон;
дорын возиськись пудо-животъёсты улон интылэсь 100 м кеме педло поттан;
дорысь жуг-жагез поттон.
Кун Кенешлэн Тӧроезлэсь ужзэ быдэсъясь Владимир Невоструев нимаз висъяськыса улон режимез дыраз кутэм ужрадэн нимаз. Со шаерын улӥсьёслы вазиськиз.
«Курисько юнматэм ужрадъёс шоры валаса учкыны но куронъёсты быдэсъяны. Туннэ котькуд адями бордысь потэ шаерамы эпидемиологияя огъя югдурлэн кыӵе луонэз. Куронъёс укыр чурытэсь пото ке, учке, мар луэмын туннэ куд-ог кунъёсын. Али куное ветлон но эшъёсын пумиськылон дыр ӧвӧл. Улэ дорады, уте асьтэды но матысь муртъёстэс. Гажалэ котырысьтыды адямиосты. Коронавируслэсь вӧлмонзэ алон понна, чаклано но быдэсъяно вань куронъёсты. Таза луэ!»