Версия для слабовидящих
Удмурт Элькунысь Кун Кенешлы 25 ар

Удмурт Элькунысь Кун Кенешлы 25 ар

26.03.2020
Удмурт Элькунысь Кун Кенешлы 25 ар
25 ар талэсь азьло, 1995 арын 26 южтолэзе, Удмурт Элькунлэн Кун Кенешаз нырысетӥ быръёнъёс ортчизы. Озьы со Элькунлэн Вылӥ Кенешезлэсь ужзэ азьланьтӥз.
Выль парламентлэн ужаны кутскон дырыз Элькунмы но, быдэс кунмы понна но огшоры ой вал. Со – бадӟым воштӥськонъёслэн, политика ласянь вожвылъяськонъёслэн вакытсы. Укмыстонэтӥ аръёслэн шуг-секытъёссы сярысь учкытэк, депутатъёс шаерлэсь катрадлыкен инъетсэ, кивалтон сӧзнэтсэ кылдытыны быгатӥзы.
25 ар ӵоже Кун Кенеш юнмаз, Элькунлэн улоназ но историяз аслэсьтыз валтӥсь интызэ возьматӥз. Та дыр ӵоже 1700 кат кутэмын. Соос улослэсь пӧртэм ӧръёсызлэсь ужзэс радъяло. Бадӟым люкетэз катъёс туннэ но быдэсъясько.
Туала Удмуртия Россиысь улосвылъёс пӧлын дано инты басьтэ. Со кунмылэсь экономиказэ но ожгар кужымзэ юнматыны юрттэ, культуразэ узырмытэ. Удмуртиын 130-лэсь трос выжыё калыкъёс тупаса но асьсэлэсь пӧртэмлыксэс утьыса уло.
Кун Кенешлэн историеныз пыр-поч тодматскыны луоз та ссылкая

Возврат к списку