«Калык контроль» проектлэн азьветлӥсьёсыз Ижкарысь вузкаронниосты эскеризы
19.03.2020
Ижкарысь вузкаронниосын сиён-юон тырмыт, соослы дунъёс огсыр возисько. Сыӵе йылпумъян лэсьтӥзы «Калык контроль» проектлэн азьветлӥсьёсыз. Соос шоркарын ужась вузкарон сетьёсты эскеризы. Мугез – адямиослэн тужгес кулэ луись вузъёслэн быремзылы ӝожтӥськемзы.
Эскерисьёс кык федерал сетьёсысь но одӥг улосвыл сӧзнэтысь вузкаронниосы пыразы. Вузъёс но соосын запасъёс ваньмаз вал. Вузкарисьёслэн верамзыя, куд-ог сиён-юонъёсты зэм но, тросэнгес басьяны кутскизы, но, быремзыя, соосты нош ик ӝажыос вылэ потто. Складъёсты тырмытъяло, вузъёсты дыраз ваё.
Элькунысь промышленностья но вузкаронъя министрлэн воштӥсез Оксана Чепурина пусйиз, министерство вузъёсты но соослы дунъёсты нуналлы быдэ чакласа возе. Дунъёсты чутрак ӝутон учыръёс пусъемын ӧвӧл. Но, басьяськисьёс тросгес луэмен, уноез вузкаронниос ужасьёссылэсь лыдзэс йылэтоно луизы.
Кун Кенешысь агропром огъетъя ялан ужась комиссилэн кивалтӥсез, «Калык контроль» ӵектослэн элькунысь координаторез Владимир Варламов верамъя, огыр-бугыръяськонъёс ӝутыны мугъёс ӧвӧл. Пызь, кеньыръёс, нянь – ваньмыз вань пӧртэм дунъёсын. Вузкарон сетьёслэн кивалтӥсьёссы оскытыса вераны быгато – луозы соос ӵуказе но, арня ортчыса но. «Соин ик калыклы вазиськисько, сиён-юон ласянь куалектыны кулэ ӧвӧл, - шуиз депутат. – Вузъёс нокытчы уз ыше, соосын запасъёсын тырмыт. Одӥг гинэ сюлмаськон вань – али укыр трос сиён-юон дасяса, адямиос азьланяз басьяськемысь дугдозы, вузкаронниос ужтэк сылозы. Сыӵе тэтчанъёс нокинлы кулэ ӧвӧл, ваньмызлэн огсыр но радызъя ужамзы потэ».
Вузъёсты но соослы дунъёсты нуналлы быдэ чакласа возё «Молодая гвардия» огазеяськонлэн ёзчиосыз но. Кызьы ивортӥз улосвыл ёзэтлэн кивалтӥсез Вячеслав Девятов, 19-тӥ южтолэзьысен Удмуртиын пӧсь герӟет усьтэмын. Дунъёсты ӝутон учыръёсты адӟе ке, котькуд адями отчы жингыртыны быгатэ. Со сяна, егитъёс арлыдо муртъёслы но сосыръёслы кулэ вузъёсты доразы но нуллыны дась луэмзэс веразы.
Эскерисьёс кык федерал сетьёсысь но одӥг улосвыл сӧзнэтысь вузкаронниосы пыразы. Вузъёс но соосын запасъёс ваньмаз вал. Вузкарисьёслэн верамзыя, куд-ог сиён-юонъёсты зэм но, тросэнгес басьяны кутскизы, но, быремзыя, соосты нош ик ӝажыос вылэ потто. Складъёсты тырмытъяло, вузъёсты дыраз ваё.
Элькунысь промышленностья но вузкаронъя министрлэн воштӥсез Оксана Чепурина пусйиз, министерство вузъёсты но соослы дунъёсты нуналлы быдэ чакласа возе. Дунъёсты чутрак ӝутон учыръёс пусъемын ӧвӧл. Но, басьяськисьёс тросгес луэмен, уноез вузкаронниос ужасьёссылэсь лыдзэс йылэтоно луизы.
Кун Кенешысь агропром огъетъя ялан ужась комиссилэн кивалтӥсез, «Калык контроль» ӵектослэн элькунысь координаторез Владимир Варламов верамъя, огыр-бугыръяськонъёс ӝутыны мугъёс ӧвӧл. Пызь, кеньыръёс, нянь – ваньмыз вань пӧртэм дунъёсын. Вузкарон сетьёслэн кивалтӥсьёссы оскытыса вераны быгато – луозы соос ӵуказе но, арня ортчыса но. «Соин ик калыклы вазиськисько, сиён-юон ласянь куалектыны кулэ ӧвӧл, - шуиз депутат. – Вузъёс нокытчы уз ыше, соосын запасъёсын тырмыт. Одӥг гинэ сюлмаськон вань – али укыр трос сиён-юон дасяса, адямиос азьланяз басьяськемысь дугдозы, вузкаронниос ужтэк сылозы. Сыӵе тэтчанъёс нокинлы кулэ ӧвӧл, ваньмызлэн огсыр но радызъя ужамзы потэ».
Вузъёсты но соослы дунъёсты нуналлы быдэ чакласа возё «Молодая гвардия» огазеяськонлэн ёзчиосыз но. Кызьы ивортӥз улосвыл ёзэтлэн кивалтӥсез Вячеслав Девятов, 19-тӥ южтолэзьысен Удмуртиын пӧсь герӟет усьтэмын. Дунъёсты ӝутон учыръёсты адӟе ке, котькуд адями отчы жингыртыны быгатэ. Со сяна, егитъёс арлыдо муртъёслы но сосыръёслы кулэ вузъёсты доразы но нуллыны дась луэмзэс веразы.