Версия для слабовидящих
Удмуртиысь кунпуш ужпумъёсъя Министерствоын 2019 арын ужамзылы йылпумъянъёс лэсьтӥзы

Удмуртиысь кунпуш ужпумъёсъя Министерствоын 2019 арын ужамзылы йылпумъянъёс лэсьтӥзы

23.01.2020
Удмуртиысь кунпуш ужпумъёсъя Министерствоын 2019 арын ужамзылы йылпумъянъёс лэсьтӥзы
Туннэ Удмуртиысь кунпуш ужпумъёсъя Министерствоын 2019 арын ужамзылы йылпумъянъёс лэсьтӥзы. Коллегилэн паськытатэм кенешоназ пыриськизы Кун Кенешлэн Тӧроезлэн Нырысетӥ воштӥсез, кышкыттэмлыкъя, Регламентъя но Кун Кенешлэсь ужзэ радъянъя ялан ужась комиссилэн кивалтӥсез Владимир Невоструев, Элькун Кивалтэтлэн Тӧроез Ярослав Семёнов, Валтӥсь федерал инспектор Сергей Панов, кужымо элькун ёзъёслэн кивалтӥсьёссы.
Ведомстволэн ужамез сярысь ивортон лэсьтӥз Удмуртиысь кунпуш ужпумъёсъя министр Алексей Попов. Со вераз, ар ӵоже 27 сюрслэсь ятыр каттӥян учыр пусъемын шуыса. Азьвыл арен ӵошатыса, со 7 процентлы тросгес. Со дыре ик 3,7%-лы ӧжытгес луизы адями виён но виыны медон учыръёс. Лушкаськон учыръёс 12,7%-лы тросгес пусъемын. Шӧдскымон йылӥз адямиосты туала ивор вӧлмытон но герӟет технологиосты кутыса алдан.
Министр умоен пусйиз калыко интыосын, озьы ик огазеяськыса лэсьтэм каттӥянъёсты шараянлэсь будэмзэ.
2019 арын бадӟым саклык висъяськиз сюрес вылын ветлон кышкыттэмлыкез кужмоятонлы. Мынон-ветлон куронъёсты тӥямзы понна 1,1 миллион водительёс но 19,7 сюрс пыдын ветлӥсьёс кылкутон улэ кыскемын. Кудӟыса руль сьӧры пуксем водительёсын сэрен 6883 йыруж луэмын. Та учыръёсын бырыны сюрем муртъёслэн лыдзы кулэсмиз.
Владимир Невоструев эрикрадэз утисьёслы ужзы понна тау каремзэ вераз. Со пусйиз, Кун Кенеш но МВД кема аръёс ӵоже ини огкылысь тыршо, эрикрадэз утён, йыружъёсты алон ужлэсь пайдалыксэ ӝутон сярысь сюлмасько.

Возврат к списку