Кун Кенешысь депутатъёс Росси Азьмуртлэн Федерал Собранилы Посланиез пумысен мылкыдзэс веразы
15.01.2020
Туннэ Россилэн Азьмуртэз Владимир Путин Росси Федерациысь Федерал Собранилы арлы быдэ лэсьтӥськись Посланиен вазиськиз. Пумиськон ортчиз Москваын, адӟытонъёсъя «Манеж» центрын. Отчы пыриськизы Удмуртилэн Тӧроез Александр Бречалов но Кун Кенешлэн Тӧроез Алексей Прасолов.
Кун Кенешлэн юртаз ужрадлэн меӵак трансляциез мынӥз. Сое депутатъёс, Кивалтэтлэн ёзчиосыз, Удмуртилэн Дано кунмуртъёсыз, мерлыко огазеяськонъёслэн но бадӟым предприятиослэн кивалтӥсьёссы учкизы.
Послание чузъяськем бере люкаськемъёс асьсэлэсь мылкыдъёссэс шараязы. Кун Кенешлэн Тӧроезлэн Нырысетӥ воштӥсез, кышкытттэмлыкъя, Регламентъя но Кун Кенешлэсь ужзэ радъянъя ялан ужась комиссилэн кивалтӥсез Владимир Невоструев пусйиз, Посланилэн бадӟым люкетэз демографи но мерлык ужпумъёслы сӥземын вал шуыса. Вазиськонын чузъяськем котькуд ӵектонъя Кун Кенешысь ялан ужась ӧриос асьсэлы ужанрадлык кылдытозы, кулэ луиз ке, катъёсы воштонъёс дасялозы.
Нырысетӥ вице-спикер нимысьтыз саклык висъяз Конституцие воштонъёс пыртонъя ӵектонъёслы. «Росси Федерацилэн Конституциез юнматэмын вал 26 ар талэсь азьвыл. Та дыр ӵоже кылдӥзы ужпумъёс, кудъёссэ воштыны дыр вуэмын, - шуиз Владимир Невоструев. – Котькудӥз ёзэт калык мылкыд каремъя гинэ воштэмын луыны быгатоз. Соин ик али адямиос пӧлын бадӟым валэктон уж нуоно».
Кун Кенешысь «Единая Россия» фракцилэн кивалтӥсез Елена Дербилова пусйиз, Посланиын Россиын улӥсьёслэсь лыдзэс йылэтон понна чаклам ужрадъёс сярысь верамын вал шуыса. Озьы ик бадӟым инты висъямын Быдӟым Атыкай ожын Вормонлэн 75 ар тырмонэзлы. Юбилеез пусъён улсын Россиын Вормон сярысь материалъёсын усьтэм архив фонд кылдытэмын луоз.
Кун Кенешысь депутат, Ижкарысь 74 № школалэн кивалтӥсез Надежда Онищенко щумпотэмзэ вераз Посланиын дышетон удысысь ужпумъёслэн чузъяськемзы пумысен. Владимир Путин классэн кивалтӥсьёслы ватсаса 5 сюрс манет тырыны ӵектӥз. Со туж умой ужрад, лыдъя депутат. Угось, туннэ дышетӥсьёслэн та секыт ныпъетэз вылазы басьтэмзы туж ик поты. Нош коньдонэн ватсаса юрттэт классэн кивалтыны мылкыд карисьёслэсь лыдзэс одно ик ӝутоз.
Кун Кенешысь «КПРФ» фракцилэн кивалтӥсез Алексей Конорюков пусйиз, Посланиын кат кылдытъясь тӧрлык ёзъёслэсь ужоскетъёссэс паськытатон сярысь верамын шуыса. Со – туж шонер вамыш, лыдъя депутат.
Кун Кенешлэн юртаз ужрадлэн меӵак трансляциез мынӥз. Сое депутатъёс, Кивалтэтлэн ёзчиосыз, Удмуртилэн Дано кунмуртъёсыз, мерлыко огазеяськонъёслэн но бадӟым предприятиослэн кивалтӥсьёссы учкизы.
Послание чузъяськем бере люкаськемъёс асьсэлэсь мылкыдъёссэс шараязы. Кун Кенешлэн Тӧроезлэн Нырысетӥ воштӥсез, кышкытттэмлыкъя, Регламентъя но Кун Кенешлэсь ужзэ радъянъя ялан ужась комиссилэн кивалтӥсез Владимир Невоструев пусйиз, Посланилэн бадӟым люкетэз демографи но мерлык ужпумъёслы сӥземын вал шуыса. Вазиськонын чузъяськем котькуд ӵектонъя Кун Кенешысь ялан ужась ӧриос асьсэлы ужанрадлык кылдытозы, кулэ луиз ке, катъёсы воштонъёс дасялозы.
Нырысетӥ вице-спикер нимысьтыз саклык висъяз Конституцие воштонъёс пыртонъя ӵектонъёслы. «Росси Федерацилэн Конституциез юнматэмын вал 26 ар талэсь азьвыл. Та дыр ӵоже кылдӥзы ужпумъёс, кудъёссэ воштыны дыр вуэмын, - шуиз Владимир Невоструев. – Котькудӥз ёзэт калык мылкыд каремъя гинэ воштэмын луыны быгатоз. Соин ик али адямиос пӧлын бадӟым валэктон уж нуоно».
Кун Кенешысь «Единая Россия» фракцилэн кивалтӥсез Елена Дербилова пусйиз, Посланиын Россиын улӥсьёслэсь лыдзэс йылэтон понна чаклам ужрадъёс сярысь верамын вал шуыса. Озьы ик бадӟым инты висъямын Быдӟым Атыкай ожын Вормонлэн 75 ар тырмонэзлы. Юбилеез пусъён улсын Россиын Вормон сярысь материалъёсын усьтэм архив фонд кылдытэмын луоз.
Кун Кенешысь депутат, Ижкарысь 74 № школалэн кивалтӥсез Надежда Онищенко щумпотэмзэ вераз Посланиын дышетон удысысь ужпумъёслэн чузъяськемзы пумысен. Владимир Путин классэн кивалтӥсьёслы ватсаса 5 сюрс манет тырыны ӵектӥз. Со туж умой ужрад, лыдъя депутат. Угось, туннэ дышетӥсьёслэн та секыт ныпъетэз вылазы басьтэмзы туж ик поты. Нош коньдонэн ватсаса юрттэт классэн кивалтыны мылкыд карисьёслэсь лыдзэс одно ик ӝутоз.
Кун Кенешысь «КПРФ» фракцилэн кивалтӥсез Алексей Конорюков пусйиз, Посланиын кат кылдытъясь тӧрлык ёзъёслэсь ужоскетъёссэс паськытатон сярысь верамын шуыса. Со – туж шонер вамыш, лыдъя депутат.