Ижкарын Кузебай Гердлэн вордӥськемез дырысен 122 ар тырмонэз пусйизы
14.01.2020
Туннэ Ижкарын удмурт гожъясьлэн, литератураез эскерисьлэн, фольклористлэн, этнографлэн, кылысь кылэ берыктӥсьлэн, дышетӥсьлэн, крезьгурез эскерисьлэн, кун но мер ужасьлэн Кузебай Гердлэн вордӥськемез дырысен 122 тырмонлы сӥзем сӥё-дано ужрад ортчиз. Отчы Кун Кенешысь наукая, дышетонъя, культурая, йӧскалык но егитъёсын ужан политикая но спортъя ялан ужась ӧрилэн кивалтӥсез Татьяна Ишматова, Удмуртиысь Йӧскалык музейлэн кивалтӥсез Александр Волков, К. Герд нимо Удмурт йӧскалык гимназилэн кивалтӥсез Татьяна Волкова, тӧрлык ёзъёслэн, дышетсконниослэн, культура ужъюртъёслэн, мерлыко огазеяськонъёслэн кивалтӥсьёссы, карын улӥсьёс пыриськизы.
Ужрадэз усьтыса, Татьяна Ишматова пусйиз, Кузебай Гердлэн Элькунлэн кунлыксэ лэсьтонын но юнматонын интыез мертантэм шуыса. «Туж шумпотымон, котькуд ар 14 толшоре асьмеос та синпелет доры люкаськиськом. Туэ удмурт калык кунлык басьтэм дырысен 100 ар тырме. Удмурт кунлыкез лэсьтон ужлэн кутсконаз вал Кузебай Герд но. Вунэтыны уг яра со адямиосты, кудъёсыз асьмелэн туннэ но ӵуказе нуналмы понна сюлмаськизы, со понна асьсэлэсь улонзэс сётӥзы», - пусйиз Татьяна Ишматова.
Акциез азьланьтыса, гимназиын дышетскисьёс Кузебай Гердлэсь кылбуръёссэ удмурт но ӟуч кылъёсын лыдӟизы. Люкаськемъёс быдӟым кылбурчилэн синпелетэз доры сяська тыризы.
Ужрадэз усьтыса, Татьяна Ишматова пусйиз, Кузебай Гердлэн Элькунлэн кунлыксэ лэсьтонын но юнматонын интыез мертантэм шуыса. «Туж шумпотымон, котькуд ар 14 толшоре асьмеос та синпелет доры люкаськиськом. Туэ удмурт калык кунлык басьтэм дырысен 100 ар тырме. Удмурт кунлыкез лэсьтон ужлэн кутсконаз вал Кузебай Герд но. Вунэтыны уг яра со адямиосты, кудъёсыз асьмелэн туннэ но ӵуказе нуналмы понна сюлмаськизы, со понна асьсэлэсь улонзэс сётӥзы», - пусйиз Татьяна Ишматова.
Акциез азьланьтыса, гимназиын дышетскисьёс Кузебай Гердлэсь кылбуръёссэ удмурт но ӟуч кылъёсын лыдӟизы. Люкаськемъёс быдӟым кылбурчилэн синпелетэз доры сяська тыризы.