Версия для слабовидящих
Ижкарын муниципал кылдытэтъёслэн «Мир в диалоге» огъя росси форумзы усьтӥськиз

Ижкарын муниципал кылдытэтъёслэн «Мир в диалоге» огъя росси форумзы усьтӥськиз

27.11.2019
Ижкарын муниципал кылдытэтъёслэн «Мир в диалоге» огъя росси форумзы усьтӥськиз
Туннэ Ижкарын муницпал кылдытэтъёслэн «Мир в диалоге» огъя росси форумзы ужаны кутскиз. Сое усьтон ужрадэ пыриськизы Элькун Кивалтэтлэн Тӧроез Ярослав Семёнов, Кун Кенешлэн Тӧроезлэн нырысетӥ воштӥсез, кышкыттэмлыкъя, Регламентъя но Кун Кенешлэсь ужзэ радъянъя ялан ужась комиссилэн кивалтӥсез Владимир Невоструев, Россиысь калыкъёслэн Ассамблеязылэн кивалтӥсез Светлана Смирнова. Ужрадэз нуиз Удмуртиысь йӧскалык политикая министр Лариса Буранова.
Люкаськемъёслы вазиськыса, Владимир Невоструев пусйиз, ужрад огшоры нуналэ уг ортчы шуыса. 27-тӥ шуркынмонэ пусйиське удмурт кыллэн дунневыл нуналыз. «Йӧскалык политикая ужез нуыны кулэ тӧрлыклэн вань ёзъёсыз, но тужгес но бадӟым оскон та ласянь муниципал тӧрлыклы, - пусйиз нырысетӥ вице-спикер.- Со, угось, тужгес но матын калыклы».
Форуме 200-лэсь трос ӧнерчиос вуизы. Соос пӧлын Киров улосысь, Пермь шаерысь, Саха (Якутия) элькунысь, Башкириысь, Татарстанысь, Ставропольеысь, Челябинск но Свердловск улосъёсысь куноос. Соос тодматско кун йӧскалык политика удысын ог-огзылэн усто ужъёсынызы. Озьы ик федерал экспертъёс тодон-валан сёто.
Форум улсын ик Удмуртиысь йӧскалык политикая министерстволэн 25 ар тырмонэзлы сӥзем сӥё-дано кенешон ортчоз.


Возврат к списку