Удмуртиын Михаил Тимофеевич Калашниковлэн вордӥськемез дырысен 100 ар тырмонлы сӥзем ужрадъёс мыно
10.11.2019
Туннэ, 2019 арын 10 шуркынмонэ, 100 ар тырме пыӵал-тӥрлык кылдытӥсь тодмо конструкторлэн Михаил Тимофеевич Калашниковлэн вордӥськемез дырысен. Удмуртилэн шоркараз юбилейлы сӥзем сӥё-дано ужрадъёс мыно.
Ӵукна Михаило-Архангельской кафедральной соборын сиё-дано вӧсяськон служба ортчиз. Сое нуиз Ижкарлэн но Удмуртилэн митрополитэз Викторин. Служба бере калык Ялан ӝуась тыл доры люкаськиз. Отын Калашниковлэн бюстэз азе сяська керттэтъёс понӥзы. Кун Кенешлэн Тӧроеныз Алексей Прасоловен ӵош ужрадэ пыриськизы элькун парламентысь депутатъёс.
Юбилейлы сӥзем валтӥсь сӥё-дано ужрад ортчиз операя но балетъя Чайковский нимо кун театрын. Концерт «Война и мир Михаила Калашникова» шуыса нимамын вал. Солэн темаез герӟамын Калашниковлэн яратоно кылъёсыныз. Конструктор ӵем вералляз: «Мон адямиосты быдтон понна пыӵал ӧй малпа, со атыкай музъеммес утьыны лэсьтэмын».
Егит сержант-танкист автомат кылдытоно луиз война косэмъя. Собере со пыӵал конструкторзэ быдэс дуннелы тодмо кариз, востэм, кылбур гожъясь адямилэсь быдэс улонэз воштӥз.
Ижкарын Михаил Тимофеевич Калашников 64 ар ӵоже улӥз. Со сярысь тодэ ваёнъёс туннэ бронзаын но мраморын гинэ уг утисько. Татысь калык понна со – улэп! Азинтӥсько солэн ӵектонъёсыз но малпанъёсыз, улэпесь адямиос, кудъёсыз соин ӵош улӥзы, артэ тыршизы.
Удмуртилэн шоркараз 15 ар ӵоже ини ужа М. Т. Калашников нимо музей огъет. Арлы быдэ отчы 160 сюрслэсь ятыр адями вуылэ. Юбилей аре 9 толэзь ӵоже «Судьба человека» экспозициен 77 сюрс адями тодматскиз. Туннэ, тодмо конструкторлэн вордӥськем нуналаз, выльдэм музейын «Калашников. Траектория судьбы» нимо ялан ужась экспозиция усьтӥськиз.
Ӵукна Михаило-Архангельской кафедральной соборын сиё-дано вӧсяськон служба ортчиз. Сое нуиз Ижкарлэн но Удмуртилэн митрополитэз Викторин. Служба бере калык Ялан ӝуась тыл доры люкаськиз. Отын Калашниковлэн бюстэз азе сяська керттэтъёс понӥзы. Кун Кенешлэн Тӧроеныз Алексей Прасоловен ӵош ужрадэ пыриськизы элькун парламентысь депутатъёс.
Юбилейлы сӥзем валтӥсь сӥё-дано ужрад ортчиз операя но балетъя Чайковский нимо кун театрын. Концерт «Война и мир Михаила Калашникова» шуыса нимамын вал. Солэн темаез герӟамын Калашниковлэн яратоно кылъёсыныз. Конструктор ӵем вералляз: «Мон адямиосты быдтон понна пыӵал ӧй малпа, со атыкай музъеммес утьыны лэсьтэмын».
Егит сержант-танкист автомат кылдытоно луиз война косэмъя. Собере со пыӵал конструкторзэ быдэс дуннелы тодмо кариз, востэм, кылбур гожъясь адямилэсь быдэс улонэз воштӥз.
Ижкарын Михаил Тимофеевич Калашников 64 ар ӵоже улӥз. Со сярысь тодэ ваёнъёс туннэ бронзаын но мраморын гинэ уг утисько. Татысь калык понна со – улэп! Азинтӥсько солэн ӵектонъёсыз но малпанъёсыз, улэпесь адямиос, кудъёсыз соин ӵош улӥзы, артэ тыршизы.
Удмуртилэн шоркараз 15 ар ӵоже ини ужа М. Т. Калашников нимо музей огъет. Арлы быдэ отчы 160 сюрслэсь ятыр адями вуылэ. Юбилей аре 9 толэзь ӵоже «Судьба человека» экспозициен 77 сюрс адями тодматскиз. Туннэ, тодмо конструкторлэн вордӥськем нуналаз, выльдэм музейын «Калашников. Траектория судьбы» нимо ялан ужась экспозиция усьтӥськиз.