Эскеризы элькун коньдэтлэсь 2020 арлы ӵектоссэ

Удмурт Элькунлэн 2020 но 2021-2022 аръёслы коньдэтэз но эмстрахования коньдэтэз сярысь катӵектосъёсты эскеризы тазалыкез утёнъя, семья но демографи политикая комиссилэн кенешоназ.
Элькунлэн коньдэтэзлэн ӵектосэз сярысь ивортон лэсьтӥз коньдон ужпумъёсъя министрлэн воштӥсез Вера Сухих. Бюджетлэн табыш люкетэз та дырлы 70 млрд 108 млн манет чакламын, уже кутон люкетэз - 69 млрд 138 млн манет. Профицитлэн быдӟалаез - 970 млн манет. Вера Сухих пыр-поч вераз ӧрилэн чаклано удысъёсызлы коньдон висъян сярысь. Озьы «Развитие здравоохранения» программалы 2020 арын 12 млрд 715 млн манет висъяны чакламын. Со пӧлысь 1 млрд манетэз – федерал бюджетысь. Та программа улсын йӧскалык проектъёслэн 7 улосвыл ӵектосъёссы быдэсъясько. Соос пӧлын – сюлэм но сэр висёнъёсын нюръяськон, пыктос висёнъёсын нюръяськон, нылпиослэсь тазалыксэс утёнэз азинтон, нырысь-валысь эмъюрттэт сётон сӧзнэтэз азинтон, тазалыко улон сямъёсты вӧлмытон но мукет ӧръёс.
Кун программаысь тужгес бадӟым коньдоно ёзэт – ужасьтэм муртъёс понна эмстрахованияя тыронъёс. Со понна 2020 арлы 6 млрд 872 млн. чакламын. Депутатъёс катӵектос понна дурбасьтӥзы но куд-ог ӧръёсъя коньдон висъянэз йылэтыны куризы.
Эмстрахованияя йондлэн бюджетэзлэн ӵектосэз сярысь ивортон лэсьтӥз фондлэн кивалтӥсез Павел Митрошин. Солэн верамезъя, ОМС фондлэн вуоно арлы коньдэтэзлэн быдӟалаез 21 млрд 961,6 млн манет чакламын. Со 7,4 процентлы уногес 2019 арын сярысь.