Версия для слабовидящих
Кутэмын шыпыт улонэз чаклан сярысь кат

Кутэмын шыпыт улонэз чаклан сярысь кат

25.09.2019
Кутэмын шыпыт улонэз чаклан сярысь кат
24-тӥ куарусёнэ Кун Кенешлэн дас куатетӥ сессияз Кун Кенешысь депутатъёс Удмуртиын шыпыт улонэз чаклан сярысь катэз юнматӥзы. Кызьы пусйиз кышкыттэмлыкъя, Регламентъя но Кун Кенешлэсь ужзэ радъянъя ялан ужась ӧрилэн кивалтӥсезлэн воштӥсез Сергей Лукьянчиков, катӵектос бордын уж кема кыстӥськиз. Сое кутон сярысь куронъёс депутатъёслы но вуылӥзы, катлэсь кулэлыксэ возьматӥз Егитъёслэн парламентэнызы ортчытэм юалляськон но.
Тодады вайытом, али ужась катрадлыкъя улон интыосын 23 часысен 7 часозь куашетыны уг яра вал. Выль катъя ужан нуналъёсы та дыр 22 часысен 8 часозь, шутэтскон нуналъёсы - 23 часысен 9 часозь шуыса пусъемын. Та дыре куараез кужмоятӥсь тӥрлыкез лэзьяны, тупатъян-лэсьтӥськон ужъёс нуыны, зол кырӟаны, крезьгуро инструментъёсын шудыны, кесяськыны, шуланы уг яра.
Со сяна, трос квартираё коркаосын шыпытлыкъя куронъёсты чакланы ӵектэмын озьы ик 13 часысен 15 часозь.
Катлэн куронъёсыз улэ уг сюро катэз тӥян учыръёсты, шимучыръёсты но мукет кышкыт югдуръёсты алон но дугдытон ужъёс, сюресъёсты лэсьтон-тупатъян, соосты лымылэсь сузян, гурт ужъёсты нуон. Озьы ик – вӧсяськонэн но вӧсьлыко сям-йылолъёсты ортчытонэн герӟаськем ужрадъёс.
Кат кужымаз пыроз нимлыко ивортонъёсын шараям бере 60 нунал ортчыса.

Возврат к списку