Россилэн Азьмуртэз Владимир Путин пыӵал тӥрлык лэсьтӥсьёслэн Ижкарын ортчем форумазы пыриськиз

Пыӵал тӥрлык лэсьтӥсьёслэн нуналазы Россилэн Азьмуртэз Владимир Путин вуылӥз Ижкаре. Со пыриськиз пыӵал тӥрлык лэсьтӥсьёслэн Кыкетӥ Огъяросси форумзылэн ужаз. Туэ со сӥземын тодмо конструкторлэн Михаил Калашниковлэн вордӥськемез дырысен 100 ар тырмонлы. «Ижкар – кунмылэн утиськонъя валтӥсь центрез, - шуиз Владимир Путин. - Форумын чузъяськем ӵектонъёс Россилэсь утиськон промышленностья огъетсэ азинтыны, солэсь технологиосъя, кадръёсъя но ваньбур поттонъя луонлыкъёссэ паськытатыны кулэ». Со нуналэ ик Владимир Путин Ижкарын Россилэн ожгар промышленностья комиссиезлэсь кенешонзэ ортчытӥз, «Академия Калашников» технопаркез усьтонэ пыриськиз, Ижкарысь Шор площадез выльдонлэн мынэменыз тодматскиз.